Klei êmưt anei arưp kơ bruă hriăm  hră, hdĭp mda leh anăn klei êđăp ênang mơ̆ng 950 čô hđeh sang hră knŭk kna rông ba hlăm thŭn hriăm mrâo 2026 – 2027, phung hđeh hdĭp mda leh anăn hriăm hră hlăm sang hră. Adôk 10 hruê truh yơh hruê nao sang hră, ƀiădah krĭng wăl tač sang hră, dŭm boh adŭ, sang dôk, sang huă ƀơ̆ng ăt dôk mtŭk mtŭl kyua ƀrĭk boh tâo, čuah, pra rŭ mdơ̆ng.

Ti anăp boh klei anei, Khua Sang hră jao bruă kơ phung nai ksiêm dlăng, păn kjăp boh klei rŭ mdơ̆ng, mbĭt anăn mtă kơ pô bi liê leh anăn phung rŭ mdơ̆ng mđĭ bruă klam.  Sang hră mtă kơ phung rŭ mdơ̆ng brei mâo hdră msir mkŏ mjing mđĭ mmông mă bruă, mđing bi leh dŭm tal sang,  hdră bruă duh kơ klei mtô bi hriăm, đih đăm huă ƀơ̆ng kơ phung hđeh sang hră.