Ti 11 msat phung kahan djiê êngiă, êpul bruă djŏ tuôm čar Lâm Đồng ksul leh 4.776 msat ka bi mklă klei hâo hưn. Mơ̆ng anăn, dưi mâo 3.625 mta sinh phẩm. Mâo êbeh 1100 msat amâo dưi mă mta amâodah mta amâo djăp klei găl ksiêm mkă ADN.

Hdră pŏk ngă bruă mă mta sinh phẩm leh anăn bi mklă klang lĭng kahan djiê êngiă dưi hluê ngă mjêč, kjăp, kreh knhâo, mơ̆ng ksiêm dlăng anăn, bi mklă anôk msat truh kơ mă mta sinh phẩm, kriê pioh leh anăn bi leh hră mơar mkăp kơ bruă ksiêm bi mklă. Dŭm êpul êya nao hgŭm ăt rơ̆ng kjăp klei čiăng thơ̆ng kơ bruă, mbĭt anăn krơ̆ng kjăp klei mpŭ hŏng dŭm msat lĭng kahan djiê êngiă.