Kluôm čar Lâm Đồng ară anei mâo 1.581 sang hră hŏng giăm 841.000 čô hđeh sang hră leh anăn 25.799 adŭ hriăm. Ƀiădah, dŭm sang hră dôk hliê, hŏng 770 sang hră, kluôm čar adôk kƀah êbeh 5.300 čô nai, phung mă bruă mkă hŏng ênoh čuăn.

Êlâo kơ thŭn hriăm mrâo, dŭm sang hră mơ̆ng čar Lâm Đồng dôk mjêč ksiêm dlăng adŭ hriăm, pui kmlă, êa jua, internet, sang tlô leh anăn kdrăp yua mtô bi hriăm, mkra mđĭ dŭm anôk bruă jhat rai, amâo brei phung hđeh hriăm ti dŭm anôk amâo mâo êđăp ênang. Dŭm sang hră dưi mnă brei mtrŭt mđĭ bi pral, gĭr bi leh êlâo kơ hruê 15/8.