Hluê anăn, dŭm sang hră srăng drông hlăm brô 3.000 čô hđeh hriăm hră mơ̆ng adŭ 1 truh kơ adŭ 9 ti dŭm să Ƀuôn Đon, Ia R’vê leh anăn Ia Lôp hlăm thŭn hriăm 2026–2027, hnơ̆ng anei klă klơ̆ng bi mâo djăp klei čiăng hriăm tinăn mtam kơ phung hđeh alŭ wăl, hlăm anăn mĭn tĭng hlăm brô 40% hđeh sang hră mơ̆ng adŭ 4 kơ dlông srăng čih anăn dôk đih đăm, bi hŏng phung hđeh mơ̆ng gưl 1 truh kơ gưl 3 snăn lu phung amĭ ama ka bi mklă ôh kyua diñu adôk điêt. Phung dưi mđing ruah nao hriăm dôk hlăm sang hră hluê si klei găl mâo msĕ si sang dôk kbưi đei, anak čô gŏ sang dleh dlan, gŏ êsei ƀun, giăm ƀun amâo dah mnuih ƀuôn sang djuê ana ƀiă.