Anei jing bruă kđi čar, bi êdah klei hdơr knga mơ̆ng Đảng, Knŭk kna leh anăn Bruă Kbĭn ala hŏng hŏng phung amĭ Việt Nam jhŏng ktang, phung lĭng kahan jhŏng ktang, phung mâo bruă tŭ dưn hŏng cách mạng, mbĭt anăn đru mtô mjuăt knhuah gru khăp kơ lăn čar, klei thâo knga leh anăn bruă đua klam mơ̆ng ênuk ară anei hŏng bruă rŭ mdơ̆ng leh anăn răng mgang lăn čar.

Bi hdơr srăng dưi bi êdah hŏng dŭm mta bruă ngă jêñ jêñ, hŏng klei kriê dlăng jăk leh anăn hŏng dŭm hdră êlan klă klơ̆ng. Hŏng bruă klam pô, Bruă Kbĭn ala mâo nanao klei uêñ mĭn hŏng phung mâo bruă tŭ dưn. Ƀri wưng anei, k’iăng khua Bruă Kbĭn ala Nguyễn Thị Thanh leh anăn anôk bruă ksiêm duah dhar kreh leh anăn klei hdĭp mnuih ƀuôn sang mđup brei leh dŭm hnư mnơ̆ng kơ phung amĭ Việt Nam jhŏng ktang, phunug lĭng kahan jhŏng ktang leh anăn phung mâo bruă tŭ dưn êdah êdi.