Dak Lak pioh giăm 30 êklai prăk mđup brei mnơ̆ng kơ phung knŭk kna dlăng ba
Thứ năm, 08:19, 23/07/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Ƀri bi hdơr 79 thŭn Hruê kahan êka êkeh–Djiê êngiă (27/7), Knơ̆ng bruă sang čư̆ êa čar Dak Lak mkŏ mjing leh lu êpul nao čuă êmuh, mđĭ ai leh anăn mđup brei dŭm hnư mnơ̆ng yuôm bhăn kơ phung knŭk kna dlăng ba hlăm kluôm čar.
Wưng anei, čar mă mơ̆ng ngăn prăk alŭ wăl êbeh 21.5 êklai prăk čiăng mđup brei giăm 36.000 hnư mnơ̆ng truh kơ phung kahan êka êkeh, kahan ruă duam, găp djuê phung djiê êngiă, Amĭ Việt Nam jhŏng ktang, Pô jhŏng hlăm êpul lĭng kahan yang ƀuôn leh anăn mnuih mâo bruă tŭ dưn.
Mbĭt hŏng anăn, Khua lăn čar ăt mơĭt mnơ̆ng kơ êbeh 27.200 gŏ sang knŭk kna dlăng ba ti Dak Lak hŏng ênoh bi liê êbeh 8.23 êklai prăk, mđĭ ênoh prăk kriê dlăng gưl anei truh giăm 30 êklai. Ară anei, čar Dak Lak dôk kriê dlăng êbeh 128.000 hră mơar dưi dưn hdră êlan, mâo êbeh 94.000 hră mơar mnuih mâo bruă tŭ dưn mbĭt hŏng găp djuê leh anăn hlăm brô 34.000 hră mơ̆ar dôk hlăm hdră êlan mkăn.
Viết bình luận