Giăm 30 čô aê mdrao mơ̆ng Sang êa drao prŏng Thủ Đức, ƀuôn prŏng Hồ Chí Minh,  nao ksiêm dlăng kluôm, kčĕ klei suaih pral leh anăn mbha êa drao amâo mă prăk kơ giăm 500 čô mnuih ƀuôn sang.

Gưl anei, Sang mkra mjing pui kmlă Vĩnh Tân 4 mtrŭt mjhar mđup brei 1 ton braih, grăp hnư 5 kg, kơ mnuih ƀuôn sang nao ksiêm mkă; bi hgŭm hŏng phung mâo ai tiê kmah mđup brei 50 hnư prăk hriăm hră leh anăn mnơ̆ng kơ hđeh sang hră mâo klei hdĭp dleh dlan. Sang mkra mjing ăt mđup brei ênoh đru kơ ala ƀuôn êbeh 500 êklăk prăk kơ Knơ̆ng bruă sang čư̆ êa să Vĩnh Hảo, mâo prăk bi liê blei kdrăp mnơ̆ng mdrao mgŭn leh anăn mkra mrâo, mkra mđĭ 6 boh sang klei khăp kơ gŏ êsei ƀun, gŏ sang knŭk kna dlăng ba  dleh dlan kơ sang dôk.