Hlăm wưng 1, êpul bruă djŏ tuôm čar Lâm Đồng mkŏ mjing 32 gưl ksiêm dlăng, tui duah, bi kƀĭn 26 klang kleh kahan djiê êngiă ka dưi  bi mklă klei hâo hưn. Dŭm anôk bruă mă leh mta hlăm 3.625 msat djăp klei găl duh kơ klei bi mklă ADN, bi leh êlâo kơ wưng 3 mlan. Kahan ksiêm čar Lâm Đồng mă leh êbeh 1.300 mta ksiêm mkă mơ̆ng găp djuê tĭng kơ amĭ phung kahan djiê êngiă ka bi mklă klei hâo hưn.

Hlue ngă wưng 2 Hdră bryă 500 hruê mlam tui duah, bi kƀĭn leh anăn bi mklă anăn klang kleh kahan djiê êngiă, čar Lâm Đồng kčah klei kñăm bi klin mâo hlăm brô 100 klang kleh kahan djiê êngiă. Čiăng dưi ngă klei kñăm anei, čar lŏ dơ̆ng mđĭ bruă klam jih bruă kđi čar, mtrŭt mjhar mnuih ƀuôn sang mkăp klei hâo hưn. Êpul bruă ngă bruă klam lŏ dơ̆ng bi hgŭm jăk hŏng dŭm êpul hgŭm, bruă sang čư̆ êa alŭ wăl ti nah gŭ  leh anăn mnuih ƀuôn sang alŭ wăl.