Hưn mthâo kơ anôk dơr 2 čô lĭng kahan êngiă asei hlăm sa klei bi blah thŭn 1962 mâo Trần Xuân Lý, 71 thŭn, mnuih ƀuôn sang alŭ Trung Lương 1, mkăp brei. Ti sa anôk hlăm alŭ Trung Lương 1, să Tuy An Tây, êpul djŏ tuôm ƀuh 2 klang lĭng kahan dưi dưm hlăm čhiăm đŭng, mbĭt hŏng dŭm mta mnơ̆ng yua.

Tui ksiêm hŏng klei hưn mơ̆ng pô hưn mdah, dŭm êpul êya bi mklă anei jing klang lĭng kahan djiê êngiă leh anăn mkŏ mjing klei bi kƀĭn tui si klei kčah mtrŭn. Ară anei 2 klang lĭng kahan djiê êngiă dưi kriê pioh, bi hdơr ti Wăl msat Tuy An, să Ô Loan, čar Dak Lak. Truh kơ ară anei, hlăm Hdră 500 hruê mlam mtrŭt mđĭ bruă tui duah, bi kƀĭn leh anăn bi mklă anăn klang lĭng kahan djiê êngiă, Êpul K51 tui duah, bi kƀĭn mâo 54 klang lĭng kahan djiê êngiă ti alŭ wăl čar Dak Lak leh anăn čar Mondulkiri, Ala mtao Campuchia.