Mơ̆ng hruê 27 truh hruê 31/10, Êpul K52 (Anôk bruă gĭt gai êpul lĭng kahan čar Gia Lai) tui duah, bi kƀĭn mâo 6 klang kleh kahan djiê êngiă ti 3 čar Ratanakiri, Stung Treng leh anăn Preah Vihear (Campuchia), kyua klei mnuih ƀuôn sang alŭ wăl hâo hưn.

Hlue si klei hưn mdah mơ̆ng anôk bruă, jih 6 klang kahan djiê êngiă ka dưi bi mklă ôh anăn, dôk rai ktang, amâo lŏ hrông ôh. Lu mnơ̆ng dưi ƀuh mâo jep ksu, mnal đŭng, jao, hrăng kơiêng, hdruôm jơ̆ng, knŭt ao, giêt êa drao Penicilin leh anăn dŭm mta mnơ̆ng dhơ̆ng yua aguah tlam. Êpul K52 mă mta ksiêm mkă mơ̆ng êgei leh anăn klang čiăng duh kơ bruă ksiêm bi mklă anăn phung kahan djiê êngiă. Snăn, mơ̆ng hruê 1/11/2025 truh ară anei, Êpul k51 dưi bi kƀĭn mâo 34 klang kahan djiê êngiă ti Campuchia, hlăm ala čar jing 74 klang kahan djiê êngiă.