
Klei bi kƀĭn mkŏ mjing hlăm 6 hruê, (mơ̆ng 3-6/6; mơ̆ng 9-10/6/2025) lehanăn Dhar bruă gĭt gai Anôk bruă kƀĭn ala srăng brei klei blŭ kơ hdră čih mkra klei bhiăn. Ti anôk bi kƀĭn anei, Dhar bruă gĭt gai Anôk bruă kƀĭn ala srăng brei klei blŭ kơ 4 bruă yuôm bhăn. Anăn jing klei čih mkra Hdră bhiăn mkra mlih, thiăm mbŏ dŭm mta hlăm dŭm hdră bhiăn hlăm bruă lĭng kahan, răng mgang klei êđăp ênang;

Hdră mkŏ dăp anôk bruă knŭk kna gưl čar thŭn 2025; ksiêm dlăng, bi mklă klei bhiăn dŭm hdră mtrŭn kơ bruă mkŏ dăp anôk bruă knŭk kna gưl să thŭn 2025; klei čih mkra Hdră mtrŭn mơ̆ng Anôk bruă kƀĭn ala kơ bruă mkra mlih amâo dah lui klei bhiăn kriê dlăng ngăn prăk, hnư hrui wĭt mdê hjăn mơ̆ng dŭm anôk bruă knŭk kna; klei čih mkra Hdră mtrŭn mơ̆ng Anôk bruă kƀĭn ala kơ bruă lông ba yua dŭm klei bhiăn, hdră mtrŭn mdê hjăn, boh nik čiăng duh bi liê mđĭ kyar êlan treng. Hdră mtrŭn ktrâo lač kơ bruă mkŏ mjing mơ̆ng Êpul bi ala Anôk bruă kƀĭn ala – Êpul gơ̆ng bruă ƀuôn sang wưng thŭn 2021 – 2026 leh mkŏ dăp anôk bruă knŭk kna.
Viết bình luận