Ară anei Êpul grŭp Marubeni duh bi liê hlăm bruă pui kmlă bi êran hŏng hdăng, ba čhĭ dŭm mta mnơ̆ng mơ̆ng Việt Nam kơ ala tač êngao. Khua knŭk kna Phạm Minh Chính bi mni hlăk Marubeni ruah Việt Nam jing anôk mđĭ kyar krĭng Ngŏ Dhŭng Asi, brei ƀuh klei anei djŏ guôp hŏng hdră êlan mđĭ kyar bruă duh mkra hŏng tač êngao mơ̆ng Việt Nam, boh nik jak iêu klei duh bi liê mơ̆ng anôk bruă duh mkra Japon.

Khua knŭk kna čang hmăng Marubeni lŏ dơ̆ng pŏk mlar sang maĭ pui kmlă bi êran hŏng hdăng, bi hgŭm hŏng êpul grŭp Petrovietnam hlăm bruă pui kmlă bi êran hŏng ai angĭn čiăng ba čhĭ pui kơ dŭm ala čar ASEAN. Khua knŭk kna ăt čang hmăng Marubeni đru kơ kphê – braih Việt Nam ba čhĭ kơ Japon lehanăn tar rŏng lăn; Japon dưi mđĭ hdră blei mnơ̆ng dhơ̆ng, boh kroh mơ̆ng Việt Nam.