Mđup brei 100.000 prăk/čô kơ jih jang mnuih ƀuôn sang mơak hrue mkŏ mjing lăn čar
Thứ sáu, 17:17, 29/08/2025
Y-Khem Niê/VOV Tây Nguyên
Y-Khem Niê/VOV Tây Nguyên
VOV.Êđê- ƀri bi hdơr 80 thŭn hrue kgŭ krŭ kdơ̆ng mlan 8 lehanăn hrue mkŏ mjing lăn čar hrue 2/9, Phŭn bruă kđi čar čoh čuăn mđup brei 100.000 prăk kơ jih jang mnuih ƀuôn sang.
Anei jing klei mđup brei, ƀri hrue mơak, čiăng kơ jih jang mnuih ƀuôn sang mâo klei thâo bi mguôp. Hrue 28/8, Khua knŭk kna mâo leh asăp mtrŭn truh kơ dŭm phŭn dhar bruă, alŭ wăl pral hlue ngă, bi leh bruă mbha kơ mnuih ƀuôn sang êlâo kơ hrue 2/9.
Phŭn bruă ngăn prăk kiă kriê bruă mbha prăk anei. Knơ̆ng prăk knŭk kna gĭt gai jih jang dŭm knơ̆ng prăk mprăp kơ bruă jao prăk, mơĭr êlan akhao thâo dah mbha ti anăp kơ mnuih ƀuôn sang. Knơ̆ng bruă sang čư̆ êa dŭm boh čar, ƀuôn prŏng mâo bruă klam hlue ngă bruă anei bi ênŭm amâo mâo kƀah sa čô ôh, kñăm mjing klei mơak mñai hrue lăn čar mâo klei êngiê hlăm jih jang mnuih ƀuôn sang./.
Viết bình luận