Nao ti knăm anei mâo: Khua gĭt gai Đảng Tô Lâm, Khua knŭk kna Phạm Minh Chính, Khua anôk bruă kƀĭn ala Trần Thanh Mẫn; phung khua kiă kriê hđăp mơ̆ng Đảng, knŭk kna lehanăn êbeh 3 êbâo čô bi ala mơ̆ng 34 čar, ƀuôn prŏng, dŭm anôk bruă duh mkra hlăm ala čar lehanăn phung tuê ala tač êngao.

Blŭ hrăm ti knăm anei, Khua knŭk kna Phạm Minh Chính đăo knang, hŏng klei gĭt gai mơ̆ng Đảng Cộng sản Việt Nam, mđĭ lar knhuah gru 80 thŭn mkŏ mkra, răng mgang lehanăn mđĭ kyar ala čar, jih anôk bruă kđi čar, dŭm gưl, dhar bruă, alŭ wăl lehanăn jih jang mnuih ƀuôn sang srăng lŏ dơ̆ng mđĭ lar ai tiê hgŭm mguôp, sa ai, gĭr bi leh tŭ dưn 2 mta kñăm 100 thŭn mâo Đảng kčah mtrŭn.

Ti knăm anei, Khua gĭt gai Đảng Tô Lâm, Khua knŭk kna Phạm Minh Chính lehanăn phung khua kiă kriê Đảng, Knŭk kna nao bi mklă leh Knăm mphŭn pŏk klei rang mdah 80 thŭn ktuê êlan Hnŭk êngiê, êđăp ênang, yâo mơak, kñăm kkuh mơak 80 thŭn hruê mkŏ mjing ala čar yang ƀuôn ngă phŭn Việt Nam.

Knăm anei pŏk ƀăng mơ̆ng 9h aguah truh kơ 10h mlam, mơ̆ng hruê 29/8 truh kơ hruê 5/9.