Hruê 28/8, ti Anôk bruă Đảng gưl dlông, Êpul mă bruă mrô 2 mơ̆ng Phŭn bruă kđi čar mâo Khua knŭk kna Phạm Minh Chính gĭt gai mă leh bruă hŏng Anôk kriê dlăng bruă Đảng ƀuôn prŏng Hải Phòng lehanăn Anôk kriê dlăng bruă Đảng čar Quảng Ngãi, đru mguôp klei blŭ hlăm dŭm mta hră mơar lehanăn hdră knuă druh ba mdah kơ Klei bi kƀĭn bruă Đảng wưng thŭn 2025 - 2030.

Klah čŭn, Khua knŭk kna Phạm Minh Chính sa ai hŏng klei čih mkra hră mơar ba mdah kơ Klei bi kƀĭn bruă Đảng Hải Phòng lehanăn Quảng Ngãi hlăm wưng ti anăp, mbĭt anăn bi êdah klă klei êdu kƀah, mta phŭn lehanăn mă klei hriăm.  Hdră êlan, mta kñăm, bruă klam wưng thŭn 2025 - 2030 bi êdah leh klei gĭr bruă kđi čar, hnơ̆ng trah dlăng klei đĭ kyar lehanăn bi sĭt hdră êlan mtrŭn prŏng mơ̆ng Đảng. Khua knŭk kna mtă kơ bruă Đảng 2 alŭ wăl mđing hmư̆ mă klei blŭ đru mguôp, bi leh dŭm mta hră mơar, hdră ngă bruă klă klơ̆ng, bi mklă mta kñăm, klei đua klam, dưi pŏk ngă leh klei bi kƀĭn./.