Hŏng akŏ “Việt Nam – Nao hiu čiăng bi êdah klei khăp”, dŭm hdră mtrŭn ênoh, mjing klei jăk găl ti dŭm anôk hiu čhưn ênguê, knhuah gru hƀuê ênuk – dhar kreh dưi ba yua. Dŭm anôk bruă srăng bi hrŏ truh 50% ênoh prăk hiu dŭ mdiăng, mdei săn, huă ƀơ̆ng, đih đăm, dlăng kriê klei suaih pral…

Êngao anăn, čar mđing kơ hdră bi hgŭm mnơ̆ng dhơ̆ng – anôk truh, mkŏ mjing hdră hiu čhưn jăk jĭn, mtrŭt mđĭ hdră mkra mnơ̆ng djă pioh jiă knhuah alŭ wăl, boh nik dŭm mta mnơ̆ng OCOP. Trần Thanh Hoài, Kơiăng khua Knơ̆ng bruă Dhar kreh, Mjuăt ktang asei mlei lehanăn hiu čhưn ênguê Lâm Đồng brei thâo, mnuihLâm Đồng srăng jing “Pô bi ala bruă hiu čhưn ênguê” ba klei sa ai kơ phung tuê hiu čhưn, đru mjing boh kdrŭt kơ hdră hiu čhưn hlăk ala čar mŭt hlăm wưng đĭ kyar mrâo./.