Khua Anôk bruă kƀĭn ala bi mni kơ klei đĭ kyar bruă duh mkra ala ƀuôn, lĭng kahan, răng mgang klei êđăp ênang mơ̆ng čar Hậu Giang leh êbeh 20 thŭn hruê mkŏ mjing. Anôk bruă kƀĭn ala ti anăp srăng bi mklă Hdră mtrŭn bi mŭt anôk bruă knŭk kna gưl čar, hlăm anăn čar Hậu Giang lehanăn Sóc Trăng srăng bi mŭt hŏng ƀuôn prŏng Cần Thơ, dưi dưn hdră mtrŭn, klei bhiăn jăk găl mơ̆ng ƀuôn prŏng Gưl dlông.

Khua anôk bruă kƀĭn ala bi mni kơ êpul bi ala anôk bruă kƀĭn ala čar Hậu Giang mkŏ mjing leh gưl hiu čhưn truh ti Tuyên Quang, nao čuă wăl knhuah gru Anôk kriê dlăng bruă kƀĭn ala ti Tân Trào, đru bi hdơr kơ knhuah gru lehanăn bi mni kơ hƀuê ênuk 80 thŭn hruê mkŏ mjing, đĭ kyar mơ̆ng Anôk bruă kƀĭn ala Việt Nam./.