Khua knŭk kna Phạm Minh Chính: Việt Nam ƀuăn bi răng mgang êa ksĭ
Thứ hai, 14:19, 09/06/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Ti anôk bi kƀĭn 4 klei bi trông kơ ngăn prăk lehanăn duh mkra mtah, mkŏ mjing hrue 8/6 ti ala čar Monaco, Khua knŭk kna Phạm Minh Chính bi mklă Việt Nam jing ala čar năng đăo knang, lehanăn srăng mđrăm mbĭt hŏng ala tač êngao kơ bruă răng mgang êa ksĭ.
Khua knŭk kna mñă, êa ksĭ amâo mâo djŏ knŏng jing phŭn agha kơ klei hdĭp, ƀiădah jing klei bi mguôp anak mnuih hŏng lăn êa. Hŏng Việt Nam, êbeh 3.000 km hang ksĭ jing klei bi knăl kơ dhar kreh, kơ ai tiê djuê ana.
Mđĭ kyar bruă duh mkra hŏng klei tŭ jing, kjăp jing leh hdră êlan amâo mâo dưi tlaih ôh mơ̆ng Việt Nam pioh jing ala čar mđĭ kyar kjăp kơ êa ksĭ, mđĭ ênoh mâo ba wĭt prŏng hlăm thŭn 2045. Khua knŭk kna iêo mthưr mđĭ hĭn klei ksiêm duah kơ êa ksĭ, ba yua kdrăp mrâo, bi đru kơ dŭm klei d\i, lehanăn klei thâo, ieoe jak bi tŭ jing ai dưi mđĭ kyar bruă duh mkra kjăp, mtăp mdơr, kluôm hlăm klei bi hgŭm răng mgang wăl êa ksĭ./.
Viết bình luận