Daklak mprăp kơ klei bi kƀĭn prŏng bruă Đảng čar gưl 18
Thứ hai, 14:19, 09/06/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Êpul kiă kriê bruă Đảng čar Daklak mkŏ mjing leh klei bi kƀĭn êpul khua kiă kriê bruă Đảng čar tal 33 (pŏk mlar), bi trông, mă klei blŭ kơ bruă mprăp kơ klei bi kƀĭn prŏng Đảng čar gưl 18, wưng păn bruă 2025–2030.
Ti anôk bi kƀĭn, phung bi ala mâo leh lu klei blŭ kơ klei čih mkra klei hâo mdah kơ bruă kđi čar hŏng 17 ênoh čuăn lehanăn 5 êpul bruă čuăn, hdră êlan kjăp. Klei bi kƀĭn ăt bi tŭ ư kơ klei čiăng mkŏ mjing êpul bruă Đảng čar Daklak mrâo, leh klei bi mŭt dua boh čar Daklak lehanăn Phú Yên.
Snăn kluôm čar srăng mâo 108 êpul bruă Đảng hlăm čar, hŏng hlăm brô 136.750 čô đảng viên. Blŭ hrăm ti anôk bi kƀĭn, Khua bruă Đảng čar Daklak Nguyễn Đình Trung mtă kơ êpul čih mkra hră mơar kơ klei bi kƀĭn prŏng, bi tŭ mă djăp klei blŭ, bi leh hră mơar ba mdah ti anôk bi kƀĭn prŏng. Dưn yua jih klei găl mơ̆ng dua boh čar leh klei bi mŭt lŏ dơ̆ng mđĭ kyar kluôm dhuôm lehanăn kjăp hĭn.
Viết bình luận