Thŭn anei čar Kon Tum mâo êbeh 5.300 čô hđeh sang hră čih anăn nao bi lông hriăm jih gưl 3. Čiăng mđĭ hnơ̆ng jăk mtô bi hriăm, êbeh 220 čô nai čŏng nao đru phung hđeh sang hră. Mơ̆ng boh tŭ klei lông bi lông leh anăn hdră mtô bi hriăm mơ̆ng mlan 3 truh ară anei, hđeh sang hră dưi mbha jing 3 êpul: klei thâo awăt, klei thâo man dưn leh anăn jăk - jăk hĭn.  Bruă mtô bi hriăm dưi mkŏ mjing djŏ guôp hlăm grăp êpul kñăm đru kơ phung hđeh thâo kơ klei hriăm, klei thâo ngă klei bi lông.

Knơ̆ng bruă sang hră mtô bi hriăm čar Kon Tum mkŏ mjing leh êpul  ksiêm dlăng nao ti dŭm sang hră čiăng đru kčĕ, mbĭt anăn akâo kơ Khua sang hră ksiêm dlăng hnơ̆ng mtô bi hriăm grăp hruê hriăm, hruê kăm hriăm. Dŭm sang hră ăt ktuê dlăng kjăp hnơ̆ng hriăm hđeh sang hră leh anăn ksiêm dlăng grăp gưl hnơ̆ng thâo phung hđeh hlăm djăp klei hriăm. Anei jing klei gĭr klă sĭt  kñăm mđĭ ênoh hđeh mâo klei bi lông dưi leh anăn puăng hlăm Klei bi lông hriăm jih gưl 3 kơ anăp.