Hlăm klei bi tuôm, Khua knŭk kna Phạm Minh Chính mñă klă Việt Nam dlăng yuôm bhăn klei mjĕ giăm bi hgŭm leh anăn bi mguôp lu mta bruă hŏng Costa Rica.  Khua knŭk kna Phạm Minh Chính mñă kơ dua čar  lŏ dơ̆ng mtrŭt mđĭ klei đăo knang hŏng klei bi trông êpul dŭm gưl, boh nik jing gưl dlông, ksiêm hriăm bruă kđi čar, pŏk mlar klei bi mguôp bruă duh mkra, mtrŭt mđĭ klei mnia mblei dua tĭng, mjĕ mjuk leh anăn mkŏ mnuih ƀuôn sang.

Dua čô khua gĭt gai tŭ ư gĭt gai dŭm Phŭn, dhar bruă djŏ tuôm mơ̆ng dua tĭng bi mguôp tui duah hdră êlan mrâo, dŭm hdră êlan čiăng mtrŭt mđĭ klei mnia mblei, duh bi liê dua tĭng hŏng klei găl leh anăn klei čiăng mơ̆ng dua tĭng. Bi myuôm dŭm klei găl bi mguôp plah wah Việt Nam leh anăn Costa Rica hlăm dŭm mta bruă: bruă lŏ hma, hiu čhưn ênguê, mkra mjing mnơ̆ng dhơ̆ng, phần mềm, mlih mrô, dua čô khua gĭt gai bi tŭ ư dua ala čar čiăng mđĭ hĭn klei bi mguôp hlăm dŭm mta bruă anei.