Hlăm mmông drông, bi ala kơ Knŭk kna Lào, (Le Klai Sivilay) Lếc-lảy Sỉ-vị-lay –  Khua hlăm bruă Đảng gưl dlông, Khua gĭt gai Đảng, Khua čar Sê Kông mđup brei leh medai mă bruă mrô sa kñăm čih yap klei đru mguôp jăk mơ̆ng čar Dak Lak  hlăm klei mđĭ bruă bi hgŭm yuôm bhăn plah wah dua ala čar.

Gưl anei, Knơ̆ng bruă sang čư̆ êa cacrr Dak Lak leh anăn bruă sang čư̆ êa čar Sê Kông ăt bi siñê Hră bi hdơr bi hgŭm wưng 2025 - 2030. Khua gĭt gai bruă Đảng čar Dak Lak Nguyễn Đình Trung bi êdah klei ktưn hưn, bi mni kơ Knŭk kna leh anăn mnuih ƀuôn sang Lào, mbĭt anăn ƀuăn rơ̆ng lŏ dơ̆ng mđĭ klei bi hgŭm tŭ dưn, hơĭt kjăp. Khua gĭt gai čar ăt mtă kơ dŭm anôk bruă djŏ tuôm hlue ngă boh phŭn bi hgŭm, mđĭ klei mjĕ êrô mnuih ƀuôn sang leh anăn mđĭ lar bruă klam dŭm êpul bruă, anôk bruă duh mkra dua tĭng.