Gia Lai lông ngă tŭ dưn 2 hră mơar kơ lăn
Thứ năm, 09:31, 26/06/2025
VOV TAYNGUYEN

VOV4.Êđê- Tlam mbruê 25/6, 77 ƀuôn hgŭm ti Gia Lai hrăm mbĭt lông ngă klei mgaih msir hră mơar knŭk kna ti čar Gia Lai hluê klei bi hmô bruă sang čư̆ êa alŭ wăl dua gưl.
Hlăm anăn, 10 ƀuôn hgŭm lông ngă 2 hră mơar kơ lăn jing mbha čuê leh anăn bi klă klei dưi yua lăn. Mmông ngă dưi tŭ dưn leh anăn hmăng hmưi hlăm wưng kơ anăp srăng ba wĭt klei găl, đru kơ mnuih ƀuôn sang mkiêt mkriêm hruê mmông, ênoh bi liê.

Adŭ bruă sang čư̆ êa dua čar Bình Định leh anăn Gia Lai bi mguôp kjăp čiăng mkŏ mjing hdră mkăp lông ngă, mtô kơ phung knuă druh ƀuôn hgŭm leh anăn ksiêm dlăng bruă mkŏ mkra, rơ̆ng kơ êlan dăng kông, masin, kdrăp yua, đru kơ klei ngă hră mơar. Jih jang bruă ngă hră mơar, mgaih msir, tla prăk online, mlih mrô, truh kơ ba wĭt boh tŭ điện tử ăt dưi mkŏ mjing ênưih thâo săng, ênưih ba yua.
Viết bình luận