Kñăm mđĭ hĭn bruă bi mlih mrô hlăm dŭm anôk bruă knŭk kna, čiang kơ klei mă bruă mâo boh tŭ dưn, lehanăn mjing knơ̆ng kơ klei mđĭ kyar bruă duh mkra mnia mblei. Hrue 17/7, ti Hà Nội mkŏ mjing leh klei bi trông kơ bruă bi mlih mrô hlăm anôk bruă knŭk kna, mjing knơ̆ng kơ klei mđĭ kyar bruă duh mkra ala ƀuôn, mâo hră klei mrâo Điện tử mơ̆ng sang mđung asăp blŭ Việt Nam mkŏ mjing.

Hlăm hdră êlan mlih mlih prŏng 4.0 ară anei, klei bi mlih mrô jing bruă amâo mâo dưi tlaih ôh, kñăm mđĭ boh tŭ dưn klei knŭk kna kiă kriê, mđĭ kyar hdră êlan mă bruă. Klei ba yua dŭm kdrăp mrô hlăm dŭm anôk bruă knŭk kna lŏ mjing klei găl kơ phung duh mkra lehanăn mnuih ƀuôn sang nao ngă hră mơar. Ti anôk bi trông, Phạm Mạnh Hùng- K’iăng khua knơ̆ng gĭt gai sang mđung asăp blŭ Việt Nam mñă, klei bi mlih mrô jing leh mmông găl kơ bruă mđĭ kyar pral, lehanăn mđĭ boh tŭ dưn klei mă bruă kơ mnuih ƀuôn sang, kơ phung duh mkra. Boh nik hlăm alŭ wăl anôk bruă knŭk kna mâo bruă klam pŏk êlan kơ klei bi mlih mrâo, mă bruă hŏng kdrăp mrô, bi năng hŏng klei mđĭ kyar pral bruă duh mkra ala ƀuôn./.