Ai êwa mă bruă mjêč leh anăn mâo klei tŭ dưn tal êlâo hlăm hlăm bruă msir mgaih hră mơar. Mnuih ƀuôn sang mơak, bruă sang čư̆ êa pral, mprăp kơ hruê mphŭn ngă bruă mơ̆ng hruê 1/7. Ti Anôk bruă drông mnuih ƀuôn sang ƀuôn hgŭm Ea Kao, bi mŭt mơ̆ng să Ea Kao hŏng ƀuôn hgŭm Ea Tam, wăt tơdah mâo lu mnuih ƀuôn sang nao ngă hră mơar knŭk kna, bruă tŭ mă, msir mgaih hră mơar jăk; hră mơar dưi msir mgaih pral hŏng ai tiê ngă bruă jăk.

Ti ƀuôn hgŭm Thành Nhất mrâo, bruă lông ngă gru hmô anei ăt mkŏ mjing jăk. Mnuih ƀuôn sang mơak tơdah ƀuh mâo klei bi mlih klă mngač hlăm hdră ngă bruă leh anăn msir mgaih hră mơar. Mbĭt hŏng ƀuôn prŏng Ƀuôn Ma Thuôt, gru hmô să hlăm čar ăt dưi lông ba yua ti dŭm kdriêk ti čar Dak Lak, đru kơ mnuih ƀuôn sang găl ênưih ngă hră mơar knŭk kna.