Ară anei, China mkăp leh giăm 1.400 mrô krĭng pla lehanăn 188 anôk đŭng hruh kơ Việt Nam. 6 mlan akŏ thŭn, hdră ba čhĭ kơ ala tač êngao dleh dlan kyua đing mâo êbeh mta Kñĭ Ô lehanăn Cadimi, lu klei blŭ lač brei mđĭ hdră ksiêm dlăng boh durian ti dŭm krĭng phŭn. Trần Minh Châu, bi ala Anôk bruă ksiêm dlăng hnơ̆ng tŭ jăk Vinacontrol, brei thâo, anôk bruă mâo leh hdră kčah kơ klei anei.

Ti anôk bi kƀĭn, lu phung bi ala brei ksiêm dlăng kjăp klei ba yua hbâo pruê, êa drao răng mgang mnơ̆ng pla mjing lehanăn hnưm ba mdah hdră ksiêm dlăng ti dŭm krĭng pla phŭn. Phung bi ala ăt brei bi leh klei bhiăn kčah mtrŭn kơ mrô krĭng pla, anôk đŭng hruh, mtrŭt mđĭ hdră ksiêm dlăng, ba jao kdrăp mrâo hlăm bruă pla, mkra, kriê pioh kñăm mđĭ hnơ̆ng tŭ jăk lehanăn klei bi ktưn mnơ̆ng dhơ̆ng./.