Hlăm mmông bi tuôm, Khua gĭt gai Đảng Tô Lâm mñă klă Việt Nam mprăp ngă kdrông mkŏ plah wah Hungary hŏng alŭ wăl Ngŏ Dhŭng Asi leh anăn dlăng kơ Hungary jing ƀăng bhă yuôm bhăn čiăng mđĭ hĭn klei bi mguôp ti krĭng Ngŏ Ơrôp leh anăn EU.

Dua čô khua gĭt gai tŭ ư lŏ dơ̆ng mđĭ hĭn klei đăo knang bruă kđi čar leh anăn bi mguôp dua ala čar, dua đảng djă klei dưi, mtrŭt mđĭ klei bi trông êpul gưl dlông leh anăn dŭm gưl, mtrŭt mđĭ klei bi mguôp kmeh gơ̆ng klei duh bi liê mnia mblei, klei kreh knhâo – mrâo mrang, mlih mrâo mbruă, mtô mjuăt bi hriăm… mñă ktang bruă lĭng kahan čiăng jing sa kmeh gơ̆ng mrâo hlăm klei bi mguôp dua ala čar leh anăn dua tĭng čiăng mtrŭt mđĭ mjĕ êrô mnuih ƀuôn sang, đru mđĭ hĭn klei bi thâo săng hdơ̆ng pô plah wah dua djuê ana. Dua čô khua gĭt gai bi tŭ ư Việt Nam leh anăn Hungary sa ai hŏng klei mĭn mgaih msir klei amâo thâo bi djŏ hŏng klei êđăp ênang, hŏng klei mpŭ kơ hdră bhiăn tar rŏng lăn, đru rơ̆ng kjăp klei êđăp ênang, hơĭt kjăp ti alŭ wăl leh anăn tar rŏng lăn.