Hlăm mmông mă bruă, Khua gĭt gai Đảng Tô Lâm mñă ktang, mmông mă bruă hŏng Êpul khua bruă Đảng 2 čar Gia Lai leh anăn Bình Định jing klei lŏ čuê dŭm klei gĭt gai čiăng pŏk sa wưng đĭ kyar mrâo kơ dua alŭ wăl, boh nik hlăm wưng mprăp bi mŭt mbĭt dua čar jing sa anôk bruă knŭk kna – bruă duh mkra ktang, mrâo mrang leh anăn tŭ dưn hĭn.

Leh ktrâo klă dŭm klei găl mơ̆ng 2 alŭ wăl, Khua gĭt gai Đảng Tô Lâm čăng hmăng, dŭm gưl bruă Đảng, bruă sang čư̆ êa, bruă kđi čar leh anăn êpul knuă druh dua alŭ wăl thâo săng leh anăn bi lar jih hnơ̆ng dŭm mta msĕ leh anăn bi klă hdră êlan plah wah Gia Lai leh anăn Bình Định, dlăng anăn jing tur knơ̆ng yuôm bhăn kơ bruă bi klă hdră êlan đĭ kyar leh bi mŭt mbĭt.