Khua gĭt gai Đảng lač klă klei găl bi hgŭm plah wah dua alŭ wăl leh anăn mñă klă kčĕ bi mŭt Kon Tum leh anăn Quảng Ngãi jing knhuang hdră kñăm mkŏ mjing anôk bruă knŭk kna mâo hnơ̆ng prŏng, klei găl mđĭ kyar êbeh dlai, jing anôk đĭ kyar krĭng kwar Krah - Lăn Dap Kngư.

Khua gĭt gai Đảng mtă mkŏ mjing hnơ̆ng trah dlăng đĭ kyar mrâo, bi mguôp krĭng Ngŏ - Yŭ, kčah djŏ guôp ala čar, mđing mđĭ kyar mtah, hơĭt kjăp leh anăn gru hmô lu anôk bruă. Mbĭt anăn, Khua gĭt gai Đảng mtă mprăp bi jăk kơ Klei bi kƀĭn bruă Đảng dŭm gưl, hlue ngă djŏ hdră kčah, ñĕ kơ klei amâo jăk, rơ̆ng klă sĭt boh klei mrâo leh bi mŭt.