Hluê hdră mkŏ dăp anôk bruă knŭk kna gưl kdriêk lehanăn gưl să, klei bi kƀĭn bi mklă mjưh ruê̆ hdră mă bruă mơ̆ng 17 anôk bruă Đảng gưl kdriêk, wăl krah, ƀuôn prŏng lehanăn mkŏ mjing mrâo 77 anôk bruă Đảng să lehanăn ƀuôn hgŭm.

Gia Lai ăt bi mklă hdră mkŏ dăp, ênoh mnuih mă bruă ti anôk bruă Đảng ƀuôn hgŭm leh mkŏ wĭt. Grăp anôk bruă Đảng ƀuôn hgŭm srăng mkŏ mjing 3 anôk bruă thơ̆ng kơ hdră đru kčĕ, đru bruă. Dŭm ƀuôn hgŭm mâo anôk bruă kđi čar gưl kdriêk srăng mkŏ mjing thiăm anôk bruă kđi čar hlăm Anôk bruă Đảng. Bruă Đảng čar mtă kơ dŭm alŭ wăl pral pŏk ngă dŭm bruă adôk, rơ̆ng dŭm anôk bruă Đảng ƀuôn hgŭm mrâo mŭt ngă bruă mơ̆ng hruê 1/7/2025.