Boh klei tal sa hlăm bruă sang hră mơar hŏng dŭm mta phŭn kñăm kơ boh sĭt leh anăn hdră êlan mđĭ kyar, mđĭ hnơ̆ng tŭ jăk bruă sang hră gưl prŏng nao mbĭt hŏng klei čuăn mnuih mă bruă hnơ̆ng tŭ jăk, djăp ênŭm klei čiăng mđĭ kyar bruă duh mkra – ala ƀuôn, bruă hluê ngă dŭm klei čuăn mơ̆ng hdră bhiăn kơ klei mtô kơ êngao, hriăm kơ êngao. Mbĭt hŏng anăn jing bruă rơ̆ng kơ klei doh êbăt mnơ̆ng ƀơ̆ng hlăm sang hră.

Êpul boh klei tal 2 hlăm bruă ngăn prăk, mâo hdră êlan kơ bruă ngăn prăk mđĭ kyar bruă duh mkra ala ƀuôn, rơ̆ng kơ mta kñăm mđĭ kyar. Êngao kơnăn jing hdră êlan mđĭ hĭn boh tŭ dưn klei ngă bruă mơ̆ng knơ̆ng bruă knŭk kna, hdră êlan đru mtrŭt mđĭ klei đĭ kyar bruă duh mkra êngao knŭk kna, hdră êlan iêo jak ênoh duh bi liê mơ̆ng ala tač êngao (FDI), hdră êlan mtrŭt mđĭ, iêo jak klei duh bi liê, mđĭ kyar wăl anôk tuh tia, anôk bruă duh mkra.