Ba mdah klei bi klă tiŏ nao knuă druh Hră ênau yang ƀuôn alŭ wăl 26
Thứ ba, 10:46, 03/06/2025
Pô mblang: Y -Ƀel Êban
Pô mblang: Y -Ƀel Êban
VOV4.Êđê - Aguah mbruê 2/6, ti ƀuôn prŏng Ƀuôn Ama Thuôt, čar Dak Lak, hră ênua yang ƀuôn Việt Nam mkŏ mjing klei kƀĭn trông ba mdah leh anăn jao klei bi klă kơ bruă tiŏ nao knuă druh hră ênua yang ƀuôn alŭ wăl 26, jing anôk bruă mrâo mkŏ mjing hluê si tur knơ̆ng bi mbŭt mbĭt hră ênua yang ƀuôn Dak Lak leh anăn Phú Yên.
Trần Mạnh Toàn dưi tiŏ nao păn ngă khua kiă kriê, Tạ Đức Hậu, Phan Ngọc Luận, Đỗ Thị Hằng leh anăn Đàm Thị Thanh Quế păn ngă k’iăng khua kiă kriê. Hră ênua yang ƀuôn alŭ wăl 26 klă klơ̆ng ngă bruă mơ̆ng hruê 1/6/2025 hŏng 1 čô khua kiă kriê, 4 k’iăng khua kiă kriê, 8 adŭ bruă leh anăn 22 anôk bruă nah gŭ, anôk bruă phŭn ti ƀuôn prŏng Ƀuôn Ama Thuôt.
K’iăng khua knơ̆ng bruă Hră ênua yang ƀuôn Việt Nam Trần Đình Liệu mñă kơ anôk bruă hnưm bi hơĭt bruă mkŏ mjing, nao klă hŏng boh sĭt alŭ wăl, đru kčĕ čiăng rơ̆ng kơ hdră êlan, amâo mâo bi kpăk bruă klam. Hlăm anăn mâo bruă rơ̆ng kơ dŭm hdră mtrŭn đru kơ phung nao hgŭm hră ênua yang ƀuôn, hră ênua mdrao mgŭn, rơ̆ng kơ boh tŭ dưn phung nao hgŭm.
Viết bình luận