Hdră mâo bruă ngă hlăm Hruê dlăng hră leh anăn dhar kreh dlăng hră mâo akŏ “Hdruôm hră kơ Hồ Chí Minh – klei atăt êlan kơ phung mda asei Việt Nam” leh anăn mlam kdŏ mmuñ “Hồ Chí Minh hlăm ai tiê mnuih Lăn Dap Kngư”, hŏng 1.500 čô knuă druh, lĭng kahan knhăk hŏng lu phung kdŏ mmuñ leh anăn mnuih ƀuôn sang.

Tinei, grăp čô srăng mâo dlăng hră, ksiêm hriăm kơ klei hdĭp leh anăn bruă knuă mơ̆ng Khua gĭt gai Hồ Chí Minh, dlăng lu klei hlăp lêñ djuê ana, dhar kreh Lao, dlăng klei kdŏ mmuñ bi mguôp hŏng kdrăp djuê ana, bi blŭ hrăm hŏng phung čih mkra klei mmuñ Dak Lak êdah êdi mâo klei mmuñ kơ Awa. Anei jing bruă ngă mđing kơ klei bi hdơr 135 thŭn hruê kkiêng Khua gĭt gai Hồ Chí Minh leh anăn klei bi kƀĭn bruă kđi čar yuôm bhăn hŏng phung lĭng kahan knhăk êlâo kơ mjưh ruĕ klei hriăm mjuăt ti anôk bruă hlăm knhal jih mlan 5.