Aguah mbrue 30/5, ti TP. Buôn Ma Thuột, Êpul kiă kriê bruă bi kdơ̆ng hŏng klei jhat mơ̆ng hăt čar Daklak mkŏ mjing leh klei trông čhai, lehanăn mtrŭt mjhar klei sa ai hŏng hrue tar rŏgn lăn amâo mâo djŭp hăt hrue 31/5, hrue kăm ala čar amâo mâo djŭp hăt mơ̆ng hrue 25–31/5. Grăp thŭn dlông rŏng lăn mâo leh êbeh 8 êklăk čô mnuih djiê kyua djŭp hăt, hlăm anăn 1,3 êklăk čô mnuih hrĭp săp hăt mơ̆ng mnuih mkăn djŭp.

Klei luič liê ngăn prăk ti Việt Nam kyua hăt jing êbeh 108.000 êklai prăk. Čar Daklak mđĭ hĭn leh klei hâo hưn, mkŏ mjing wăl hdĭp mda mrâo amâo mâo săp hăt ti anôk mă bruă. Kyua anăn, dua thŭn leh êgao, ênoh phung êkei djŭp hăt mâo klei hrŏ, ƀiădah klei djŭp hăt điện tử lŏ đĭ, boh nik hlăm phung hđeh mơ̆ng 15 - 24 thŭn. Anôk bruă mdrao mgŭn mâo leh klei mtă, ară anei lu ssnăk phung hđeh bi tui hriăm djŭp hăt, anăn ba klei jhat hŏng kŏ dlô lehanăn ksŏ kyua mta nicotine lehanăn lu mta jhat mkăn./.