Khua gĭt gai Đảng Tô Lâm drông khua klam bruă kriê dlăng tar rŏng lăn Êpul grŭp Qualcomm
Thứ tư, 10:16, 11/06/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
1. VOV4.Êđê- Tlam mbruê 10/6, ti anôk bruă Đảng gưl dlông, Khua gĭt gai Đảng Tô Lâm drông leh Alex Rogers, khua kiă kriê klam bruă tar rŏng lăn mơ̆ng Êpul grŭp Qualcomm (Mi).
Khua gĭt gai Đảng Tô Lâm bi myuôm dŭm hdră duh bi liê mơ̆ng Qualcomm ti Việt Nam, bi mni kơ Êpul grŭp lŏ dơ̆ng pŏk mlar hlăm dŭm mta bruă msĕ si klei mrâo mrang, klei thâo mĭn anak mnuih, bán dẫn, kdrăp mrô. Ñu hmăng hmưi Qualcomm srăng lŏ dơ̆ng ba Việt Nam jing anôk bruă AI leh anăn bán dẫn hlăm alŭ wăl leh anăn tar rŏng lăn. Khua gĭt gai Đảng Tô Lâm mñă ktang hdră tă mđĭ kyar lăn čar truh thŭn 2030 leh anăn 2045, hŏng mta kñăm jing ala čar mâo hnư hrui wĭt lu, bruă tuh tia đĭ kyar.
Čiăng dưi mâo mta kñăm anei, Việt Nam leh leh lu hdră mtrŭn yuôm bhăn, mkŏ mjing kle găl mđĭ kyar klei kreh knhâo mrâo mrang, mtrŭt mđĭ bruă klam alŭ wăl êngao knŭk kna leh anăn iêô jak klei duh bi liê mơ̆ng tač êngao, boh nik hlăm dŭm mta bruă phŭn.
Viết bình luận