Khua lăn čar bi êdah klei mơak ti anăp klei hriê hgŭm mơ̆ng phung mbruă lehanăn mñă Đảng, Knŭk kna mđing dlăng, mjing klei găl čiăng kriê pioh lehanăn mđĭ kyar ƀuôn bruă. Khua lăn čar mñă klei yuôm bhăn mơ̆ng bruă mtrŭt mđĭ hdră bi hriăm bruă, ba klei khăp mơai mphŭn čô̆ kơ bruă kơ phung mă bruă mda asei krĭng ƀuôn sang, mbĭt anăn mđing dlăng klei hdĭp mnơ̆ng dhơ̆ng, ai tiê klei mĭn kơ mnuih ƀuôn sang ti dŭm ƀuôn bruă.

Khua lăn čar mtă brei mđĭ lar bruă klam mơ̆ng dŭm êpul hgŭm, ƀuôn bruă hlăm hdră bi hgŭm, mđĭ boh tŭ yuôm hơĭt kjăp. Dŭm phŭn, dhar bruă, anôk bruă djŏ tuôm brei mtrŭt mđĭ hdră ksiêm hriăm, bi leh klei bhiăn, hdră mtrŭn đru mtrŭt mđĭ kyar ƀuôn bruă, kriê pioh kjăp boh tŭ yuôm dhar kreh đưm mguôp hŏng hdră mđĭ kyar bruă duh mkra./.