Knơ̆ng bruă Sang hră mơar mtô bi hriăm čar srăng brei hlăm brô 1.640 čô knuă druh nao dlăng klei bi lông, ksiêm dlăng, brei puăng… Kahan ksiêm čar srăng tiŏ nao 136 čô knuă druh, kahan ksiêm lehanăn 2 boh êdeh thơ̆ng kơ bruă mkăp kơ klei jao akŏ klei bi lông.

Knơ̆ng bruă mdrao mgŭn ăt tiŏ nao êbeh 20 čô knuă druh mdrao mgŭn đru ti dŭm anôk bi lông. Trần Sĩ Thành, Kơiăng khua knơ̆ng bruă Sang hră mơar mtô bi hriăm čar brei thâo, hdră hriăm mbŏ lehanăn mprăp kơ klei bi lông dưi hluê ngă mơ̆ng akŏ thŭn kñăm rơ̆ng ênoh hđeh dưi hlăm klei bi lông thŭn anei êbeh 98%. Ară anei, dŭm sang hră ngă ruê̆ leh bruă ksiêm dlăng adŭ bi lông, dăp knuă druh dlăng klei bi lông, ksiêm dlăng kdrăp camera lehanăn gang mkhư̆ klei pui ƀơ̆ng. Dŭm anôk bruă djŏ tuôm dôk bi hgŭm kjăp kñăm mkŏ mjing klei bi lông êđăp ênang, djŏ klei bhiăn./.

- Phung hđeh Dak Nông dôk gĭr hriăm mbŏ klei thâo