Blŭ hrăm hŏng phung hđeh, Khua gĭt gai Đảng Tô Lâm mñă, phung hđeh amâo mâo klah hjăn ôh lehanăn hŏng kơhưm jing mnuih ƀuôn sang hlăm ala ƀuôn.

Khua gĭt gai Đảng mtă, brei čih mkra hdră mtrŭn bi knar, mđrăm mbĭt kơ anôk bruă mtô bi hriăm mdê hjăn, hlăm anăn mâo klei bi mguôp plah wah sang hră lehanăn sang êa drao, anôk krŭ wĭt klei suaih pral lehanăn anôk bruă mđing truh kơ hdră mphŭn čô̆ klei mă bruă, mđĭ hdră đru kơ phung nai mtô thơ̆ng kơ hdră mtô bi hriăm mdê hjăn, knuă druh đru mđĭ klei suaih pral; ai tiê klei mĭn hđeh, mđĭ kyar anôk bruă, kdrăp mtô bi hriăm djŏ guôp hŏng klei amâo jăk hlăm phung hđeh; đru prăk hriăm, prăk đru hriăm hră, ênua lehanăn kdrăp găn êrô kơ phung hđeh amâo jăk asei mlei wăt ti krĭng ƀuôn prŏng, krĭng ƀuôn sang, krĭng taih kbưi, mkŏ mjing dŭm anôk đru kơ anôk bruă mtô bi hriăm mdê hjăn,mđĭ kyar gru hmô sang hră jăk găl, anôk bruă djŏ guôp hŏng phung hđeh amâo jăk asei mlei.