Hŏng klei hưn “Mơak yan hjan ksiêm dlăng čư̆ dliê – lu klei jăk mơak”, hdră srăng mâo dŭm tour hiu čhưn ênguê yang ƀuôn, dhar kreh, wăl mnơ̆ng hdĭp, bi lông wiah mran găn drai êa, đĭ êdeh găn dliê, găn êa. Êngao kơnăn, srăng mâo dŭm klei rang mdah tông čing, klei kdŏ mmuñ, mjuăt asei mlei, knăm mơak êlan dơ̆ng leh anăn hruê knăm mnơ̆ng ƀơ̆ng huă.

Hlăm hdră mtrŭt mđĭ bruă hiu čhưn ênguê anei, dŭm knơ̆ng bruă srăng bi hrŏ mơ̆ng 15 – 100% hră nao čuă dlăng, 5 – 20% ênoh bi huă ƀơ̆ng leh anăn mdei msăn, brei dŭm tour hiu čuă dlăng, brei ênoh prăk tla kơ phung tuê êpul, tla prăk huă ƀơ̆ng amâodah nao drông tuê êjai phung tuê yua dŭm mta bruă mơ̆ng anôk bruă. Anei jing hdră yuôm bhăn sa ai hŏng hdră mtrŭt mđĭ bruă hiu čhưn ênguê “Việt Nam – Nao čiăng khăp” mđing truh mta kñăm đĭ kyar bruă duh mkra mơ̆ng čar Dak Lak thŭn 2025 mâo 8% kơ dlông.