Khua knơ̆ng Sang hră ksiêm hriăm kđi čar Ala čar Hồ Chí Minh mă bruă hŏng phung khua 2 čar Bình Định, Gia Lai
Thứ sáu, 15:02, 30/05/2025
VOV TAYNGUYEN
VOV TAYNGUYEN
VOV4.Êđê- Hruê 29/5, Nguyễn Xuân Thắng, Khua knơ̆ng Sang hră ksiêm hriăm bruă kđi čar ala čar Hồ Chí Minh mă leh bruă hŏng Anôk kriê dlăng bruă Đảng čar Bình Định lehanăn Gia Lai kơ bruă bi mŭt anôk bruă knŭk kna gưl čar.
Hlăm wưng êgao, dua čar Gia Lai lehanăn Bình Định dôk bi hgŭm kjăp, rơ̆ng wưng hluê ngă lehanăn klei sa ai hlăm klei bhiăn mkŏ dăp phung knuă druh kiă kriê, kriê dlăng ti dŭm anôk bruă leh bi mŭt mbĭt. Čar Bình Định ară anei dôk čih mkra hdră mtrŭn đru kơ phung knuă druh Gia Lai hriê mă bruă ti čar mrâo.
Blŭ hrăm ti knăm anei, Nguyễn Xuân Thắng mtă kơ dua čar hluê ngă kjăp Asăp mtrŭn mơ̆ng Phŭn bruă kđi čar kơ klei mkŏ mjing Klei bi kƀĭn bruă Đảng dŭm gưl, mđing truh kơ Klei bi kƀĭn tal XIV; Mtă, čih mkra hră mơar Klei bi kƀĭn brei bi mguôp hŏng hdră êlan mđĭ kyar hlăm wưng sui. Bruă mkŏ dăp mnuih mă bruă brei rơ̆ng ruah djŏ mnuih, amâo lui phung knuă druh thâo, mâo lu klei đru mguôphlăm hdră mă bruă./.
Viết bình luận