Dak Lak brei mâo hdră msir čiăng mđĭ kyar bruă durian hơĭt kjăp
Thứ ba, 10:28, 27/05/2025
Pô mblang: H’ Zawut Byă
Pô mblang: H’ Zawut Byă
VOV4.Êđê - Phŭn bruă lŏ hma leh anăn Wăl hdĭp mda mrâo bi hgŭm hŏng Knơ̆ng bruă sang čư̆ êa čar Dak Lak mkŏ mjing Klei bi kƀĭn “Mđĭ kyar bruă durian hơĭt kjăp”, iêô jak klei hgŭm mơ̆ng khua gĭt gai dŭm phŭn, dhar bruă, anôk bruă duh mkra, êpul hgŭm bruă leh anăn ƀĭng lŏ hma.
Knŏng leh ka bŏ pluh thŭn, ênhă pla durian kluôm ala đĭ leh lu hĭn 6 blư̆, mâo giăm 180 êbâo ha hlăm thŭn 2024, hnơ̆ng êbeh 1,5 êklăk ton, prăk hrui wĭt ba čhĭ kơ ala tač êngao êbeh 3 êklai USD; đru mguôp yuôm bhăn hlăm ênoh bi liê đĭ kyar krĭng wăl lŏ hma, dliê kmrơ̆ng, kan hdang ăt msĕ mơh hnơ̆ng bi liê ba čhĭ kơ ala tač êngao mơ̆ng dhar bruă.
Khădah snăn, đĭ kyar lu bi êdah lu klei amâo myun tơdah 4 mlan akŏ thŭn 2025, ba čhĭ durian kơ ala tač êngao hrŏ ktang kơ hnơ̆ng leh anăn ênoh yuôm. Khua phŭn bruă Đỗ Đức Duy hưn brei răng amâo mâo ôh hdră msir kriê dlăng klă klơ̆ng, Việt Nam srăng lĕ hlăm klei dleh dlan; êbeh hnơ̆ng, luč ênoh, luč anôk ba čhĭ, hmăi kjham kơ kơhưm mnơ̆ng lŏ hma Việt Nam.
Viết bình luận