Phênhv thưr 2, hnuz 18/7/2016:

Hluôk nênhs sir jos uô jông cxuô luôs hâux lưv trơưk Lâuk Hôx luk choz kriê

Uô trơưk Lâuk Hôx luk kriê: Hluôk nênhs uô ntêx nyuôs zos uô ntêx hlo hâur cxuô luôs hâux lưv, txơưv zuôr phiv liv bâuv tưs lok cux sir jos hla đhâu thiêz phưx vưv tax txos hnuz têz qơưs tâu tiêx tuk. Txix hâur cxiv tsav tir ntâuk trok châuz, lar heik zos tsav trok Điện Biên Phủ, yênhx châuv vạn lênhx hluôk nênhs txix Việt Bắc, Tây Bắc, thax tsav 3, thax tsav 4 thiêz hur si thax tsav 5, Nam Bộ lênhx tưs cux siêz cuz lus sơưr muk uô tuz lênhv thiêz sir jos hla đhâu cxuô phiv liv, riêz nênhs đros tsưr ziv siêz xar “ Sir jos uô zênhx tsav cxuô luôs hâux lưv”, paz tsưr ziv, đas jos đros Đảng, tas nro têx tuz lênhv, tsôngv px tir ntâuk trok châuz, tsưx phưv têz qơưs. Zơưv Phùng Văn Cúc, Đội hluôk nênhs uô ntêx nyuôs hâur cxuô luôs hâux lưv 36-taz viv hluôk nênhs uô ntêx hlo hâur cxuô luz luôs hâux lưv buôk ti phưx vưv Lâuk Hôx thiêz têx  Cơ quan hâu nov lox T.Ư ntơưv ATK-qơư tsav trok Việt Bắc heik:

“ Lar heik yax zos hâur cxiv tsav trok Điện Biên Phủ, đruôz hnuz mak pêz so, hmo ntux tso bôngk ntâuk tuô trok châuz, thâuv tưs ntâuk tuô tsi so cux tsuv nhoz đreiv ntơư chiê tsar yêz muk jê trâu trok châuz qơư nhoz. Zos tso tsi tâu têx yêz lox muk   mak têx tuz lênhv tsi muôx mor nox, tsuv buôk ti thiêz nhoz txov nhêv njuôr li ntơư. Tiv 2, trok châuz têx bôngk tso tuô pêz têx tuz lênhv, pêz cux tsuv muk đơưk hlê, khơưz cov tos trâu têx cưx đês toz. Pêz sđ siz heik kriê tiêk, txơưv zuôr txov bâuv tưs lok cux sir jos, txơưv grêix zuôr pôngz, nyar zuôr đros lok cux tsuv uô, thâuv ntơư sđ thôngx siêz truôx jông, tsi nyei txov, phiv liv”.

Heik txos têx hluôk nênhs uô ntêx nyuôs hâur cxuô luôs hâux lưv, mak tsuv heik txos têx lênhx hluôk nxeik krêz hâu cêr muk Trường Sơn tir ntâuk trok châuz đrav ntêx. Têx lênhx nxeik heik no thâuv ntơư nhiv kruôr muôx 18 shông, taz sik tưz siêz truôx bo sir jos hla dhâu têx phiv liv chiê krêz cêr Trường Sơn tir ntâuk trok châuz tsưx phưv têz qơưs. Hmôngr jông tâu đros têx  nxeik tuz lênhv thâuv co krêz cêr tir ntâuk trok châuz, pos Nguyễn Thị Bích Liên, Chủ tịch Hội têx lênhx hluôk nênhs uô ntêx nyuôs hâur cxuô luôs hâux lưv đrav ntêx nhoz phhường Cát Linh, quận Đống Đa, Hà Nội tror ndo đuô: Nhiv kruôr muôx 17 shông, nhoz Thái Bình, pos tưz tuôx muk đros têx lênhx hluôk nênhs uô hâux lưv tir ntâuk trok châuz, tsưx phưv têz qơưs. Shông 1968, pos lơưr chor hluôk nênhs sơưr cêr tuôx trâu Trường Sơn, muk tâu iz luz hlik ntâu, hmo ntux muk, đruôz hnuz so chiê gâuv trok châuz têx yêz, bôngk tso ntâuk tuô. Hâur têx hnuz nhôngs phiv liv thiêz txov nhêv no pêz chor hluôk lênhx tưs cux siêz truôx bo. Ban chor nxeik nthuôr uô cêr lov jêv cxiv tsa 67 tâu yênhx lix muôx 20 lênhx. Đruôz hnuz uô cêr lov jêv, taz por têx yêz ntâuk trok châuz muk lok tâu thôngz, thâuv hmo mak zos lênhx cưk kriê, kriê ntơưr trâu sđ….Pos Nguyễn thị Bích Liên heik:

“ Muôx kênh jiês pêz trâus trok châuz tso bôngk ntâuk tuô cxuz ar tas, têx tuz lênhv txơưr đuô tuôx thoz, khơưz huk, nhoz so iz mê njik ho tror uô hâux lưv. Thâuv ntơư siêz cuz lus, đaz tsi tưz tsi nyei. Têx jax gâux li “ Lênhx nxeik krêz hâu cêr tir ntâuk trok châuz; gâux heik lok Trường Sơn….., thâuv sênhr suôz heik lênhx tưs cux shir phaz, tsi nyei txov, tsi nyei tuôs , lênhx tưs cux sir jos, uô tiêr jông hâux lưv chiê trâu têx đoanx yêz thâux xa hax huv muk uô ntêx, ziv muôx ntâu luz yêz  muk đhâu mak sđ ziv jông siêz thiêz shir phaz”.

Hâur ntu tir ntâuk trok châuz, tsưx phưv têz qơưs, txix faz Bắc têx cêr paz txos trâu qơư tsav trok faz Nam, txix têx thax tsav tiêx tuk, têx qơư tir ntâuk trok châuz txos trâu têx ciêz đrôngs, trok châuz têx qơư nhoz, kror tưs cux hnor suôz sênhr heik gâux muk thiêz uô lơưr Lâuk Hôx “ tsi muôx đaz tsi phiv liv, tsuôk nyei siêz tsi truôx, sđ sik đros côngv tês tir ntâuk trok châuz, tsưx phưv têz qơưs” chiê uô yênhx phôngz yaox “ txơưv zuôr muk thiêz uô zav nuv tưs lok sđ siz chos đros uô, kror tưs zuôr trâus txos mak muôx hluôk nênhs, thax tsav tưs muôx trok châuz mak muôx têx hluôk uô ntêx nyuôs…., siz chos paz đas jos, txux chi, tsưr ziv đros Đảng, têx tuz lênhv, tsôngv px tir ntâuk trok châuz, tsưx phưv qơư nhoz. Zơưv Đỗ Quốc Phong, Chủ tịch hội hluôk nênhs uô ntêx nyuôs đrav ntêx nhoz Hà Nội heik:

“ Zav hâux lưv tưs têx tuz lênhv tir ntâuk trok châuz uô mak pêz chor hluôk uô ntêx nyuôs hâur cxuô luôs hâux lưv nhoz faz Bắc muk txos cux uô tiêr tâu jông. muk qơư tsav trok faz Nam thâuv xuz thơưx cur muk zos muk paz êv têx muôk txưr, zav nox, đhâu ntơư uô hâux lưv xa mông, por hưv pêz têx tuz lênhv tsưr ziv, qơư nox nhoz, đhâu co li yênhx lênhx tuz lênhv tsar gox đhâu đêx. Txix luz gox ntông lok six lax tsar muk lok, tsuôk thâux tâu 7 lênhx mak pêz tưz đros tsôngv box ntơưv qơư xar tơưv têx tsưr ziv chiê uô tâu luz gox ntơư, thâux xa têx tuz lênhv muk lok hla đhâu đêx”.

Đhâu 60 ntâu shông cxiv tsa thiêz hloz tiêr, têx hluôk nênhs uô ntêx nyuôs hâur cxuô luôs hâux lưv đrav ntêx tưz paz côngz đas jos, txux chi, tsưr ziv lok six ntâu trâu cxiv tsav tir ntâuk trok châuz, tsưx phưv têz qơưs. Thiêz Lâuk Hôx têx luk choz kriê thâuv ntu co tsês trâu chor hluôk uô ntêx nyuôs hâur cxuô luôs hâux lưv tưz yênhx đas jos jông paz cxơưz gra chiê têx hluôk nênhs nhiv no thiêz ntu tov kaz sir jos đuô thiêz hâur luz nênhx chiê hla đhâu têx phiv liv, cêr txov./.

( TTT-Riê Lâux cxeik, nhênhv)