Phênhv thưr 2 hnuz 25/7/2016:

Lai Châu: Cử tri xar cov cán bộ zos nênhs muôx txâuk shưz xar, yênhx tưv, jê pêx xênhv thiêz viv pêx xênhv

Cử tri Nguyễn Thị Thúy, nhoz phường Đông Phong, thành phố Lai Châu puz pâuz: Ntu đhâu, đros muôx chinhr phuv sêiz car, kinh tế têz qơưk tưz muôx ntâu hlôngr yiêz jông. Tiv zix, zos hâux lưv zaz zâuv yưv pênhr, hlôngr yiêz tênhv qơư kinh doanh-iz hâur chor tsar tov paz uô trâu nền kinh tế huôv tsar. Đros muôx Thủ tướng chinhr phuv Nguyễn Xuân phúc li chox kriê, chính phuv tưz tso tơưv ntâu ntâuz ntơưr, chox kriê chor cán bộ, nganhx trung ương thiêz tiv phaz, paz tsar tov zôngx ziv tiv zix trâu chor doanh nghiệp huôv tsar:

 “Nhiv kruôr đhâu, Chinhr phuv chox kriê chor bộ, nganhx tiv phaz, paz tsar tov trâu chor doanh nghiệp. Taz sik, cux tsênhv muôx ywuv qênhx shênhx phiv liv li Thủ tướng Nguyễn Xuân phúc tưz hêik. Viv li, cur vav tiêk chor nênhs hâur chinhr phuv khoar yiêz thâuv tâu bâux tsuv sir jos đuô thiêz, chox kriê chor bộ, nganhx thiêz tiv phaz paz tsar tov zôngx ziv trâu chor doanh nghiệp huôv star”.

Cux xưk li ntâu lênhx cử tri txơưr đuô sâuv thax tsav, cử tri Nguyễn Thanh Tùng, nhoz xã San Thàng, thành phố lai Châu mak hêik tiêk: “Cán bộ zos qir trâu cxuô kror hâux lưv”, tsơưr lươngv cán bộ jông mak hâux lưv thiêx tâu uô tiêr. Hloz Hôx li têx luk kriê zuôr nhoz đrêiv hâur cxuô lênhx nênhs Việt Nam thiêz vênhv thix no mak cán bộ, đảng viên hax zav tsênhz. Viv li, tix lâus cux xưk li chor cử tri zos tsôngv box cxuô mênhx cxưx tỉnh Lai Châu puôr lênhx vav tiêk chor nênhs uô hâux lưv hâur têz qơưk thiêz chinhr phuv khoar no tsuv zos nênhs muôx shưz xar, yênhx tưv, jê pêx xênhv, viv pêx xênhv. Cử tri Nguyễn Thanh Tùng hêik:

 “Đhâu pov chir, đaix cur pov chor têiv plor côx hôiv no muôx chor nênhs hluôk thiêz yênhx tưv siêz đuô chor khoar uô ntêx. Viv li, cur vav tiêk chor têiv plor zuôr zos nênhs ndax ndênhk đuô, xêir tsov tâu chor têiv plor txơưx njê, siêz jông chiê uô têz qơưk têx hâux lưv. Tiv zix, cur vav tiêk chor nênhs uô hâux lưv hâur têz qơưk thiêz chinhr phuv tsuv sir jos đuô thiêz chiê muôx tâu ntâu tsênhv chêi huv pêx xênhv; tiv zix zos têx tsênhv chêi chiê tir tar têx phiv liv hâur xã hội”.

Iz six cxiv Côx hôiv khoar yiêz đros ntâu phiv liv, txơưr txar zuôr muôx yưv uô trâu 494 lênhx têiv plor côx hôiv tsuv xar. Cử tri vav tiêk, chor têiv plor côx hôiv tsuv gra siêz txơưx jênhv thiêz đas jos, sir jos gôngr côngv têx ziv chênhv chiê xa cử tri li têx ziv chênhv trâu côx hôiv. Uô tâu li co, iz lênhx têiv plor côx hôiv thiêx zuôr zos nênhs tâu chor cử tri njênhs njôngr thiêz tso ntơưr bâux zos nênhs hlôngr njêx muôs trâu zuk./.

(Khắc Kiên-Ly dịch đọc)