Phênhv thưr 2, hnuz xiêz 7/11/2016:

Yên Bái muôz Đangv li Nghị Quyết đros đrêiv hâur luz nênhx

          Chiê muôx ar tsêz chos kôngz lôngk, tsôngv px Hmôngz Yên Bái tưz xar tơưv tsưr ziv uô qơư tok đêx lok kriz uô blêx liêx tơư ntêir. Pos Cha x Zax nhoz xã Pá Hu, huyện Trạm Tấu tưz muôz 5 jêk liêx tsêz chos blêx trâu Nzơưs x Thox nhoz uô cê hâur jos cov muôx liêx tsêz chos kôngz lôngk. Pos Cha thav pâuz tiêk: Cán bộ xã tuôx fuô yax kriê, xav cux zos cơưs, pos Cha thiêx kênh mê njik liêx trâu zơưv Nzơưs uô.

           “Ziv chuôz zis  tsuôk yuôr 3 cxênhz liêx, taz sik pov tâu lơưr tsik muôx liêx tsêz chos kôngz thiêz tsik so trâus njiz cêr yêiz pluôs; li ntơư, cur thiêx kênh mê njik liêx chiê tsêz chos kôngz lôngk”.

          Nhiv no zơưv Nụ x Zax ziv chuôz zis nhoz xã Trạm Tấu tưz muk đhâu cêr yêiz pluôs thiêz zơưv Nuv cux thav tiêk: hâur oz pêz shông đrav ntêx, zos tsik tâu zơưv Lù x Shôngx kênh 4 cxênhz thiêr ar têz chiê tsêz chos poz cưk, têx jiês txos trâu nhiv no cux tsênhv njiz cêr yêiz pluôs.

           “Cur tsik muôx txâuk ar huôv tsar cêr uô nox, hmôngr jông tâu tix lâus Lux kênh ar tsêz chos kôngz lôngk. Nhiv no iz shông cur cux chos oz chiv poz cưk thiêz cux tsik njiz cêr yêiz pluôs li đrav ntêx. Cur muôx luk uô tsâus txos Đangv têz qơưs tso tơưv chêi yax kriê px sđ sik phêiz kênh ar trâu chor ziv chuôz zis pluôs tsêz chos kôngz lông”.

          Đros ntơư, zơưv Tsu x  Muôk thiêz Tsu x Shôngx nhoz xã Trạm Tấu cux thav pâuz tiêk: ziv chuôz zis muk đhâu cêr yêiz pluôs cux zos tâu phêiz kênh 4 cxênhz ar tsêz chos kôngz lôngk.

           “ Hâur ntu đrav ntêx, cur ziv chuôz zis tsik muôx ar tsêz chos kôngz lôngk, uô nênhx txov nhêv cơưs; taz sik ho tâu tix lâus Tsu phêiz kênh ar tsêz chos poz cưk, iz chiv cux sau tau 7-8 triệu nhiêx. Nhiv no cux muôx luz nênhx truôx tuk tsâu sor jux juk”.

          Đros trâu têx luk thav ntơư, thâuv nus txos, zơưv  Tsu x shôngx cux têz tiêk:

           “Chor ziv chuôz zis muôx ar ntâu mê njik tsuv kênh  mê njik ar trâu chor ziv chuôz zis muôx ar tsơưs cov muôx ar tsêz chos kôngz lôngk, huôv tsar cêr uô nox”.

          Trơưk li bí thư xã Trạm Tấu, Hành x Zax thav pâuz; hur si xã muôx  86 ziv chuôz zis tưx kênh ar trâu 63 ziv chuôz zis chiê tsêz chos kôngz lông; chênhr uô tâu li hêik ntơư, hur si xã, ziv chuôz zis tưs cux muôx ar tsêz chôs kôngz lôngk.

           “Pêz fuô yax kriê  chor ziv chuôz zis muôx ar ntâu tsuv kênh ar trâu chor ziv chuôz zis tsik muôx ar tsêz chos kôngz cov tsôngv px sđ, ziv chuôz zis tưs cux muôx ar tsêz chos lông-huôv tsar cêr uô nox”.

          Trơưk li Nghị quyết 06 tỉnh tỉnh uỷ yên Bái tso tơưv hêik lok luôs hâux lưv sêiz car ar nhoz thax tsav jêx jos tox siêz, đêz đrôngl tưz uô 10 ntâu shông đhâu, tsik muôx txâuk ar tsêz chos kôngz lôngk, luz nênhx tsênhv pluôs. Uô trơưk luôs hâux lưv tso tơưv hêik ntơư, xã Trạm Tấu tưz fuô yax kriê tsôngv px sđ, chor muôx ar ntâu, phêiz kênh ar trâu chor ziv chuôz zis tsik muôx ar cov sđ muôx ar tsêz chos kôngz. Xav txos nhiv no, hur si  huyện muôx 279 ziv chuôz zis, sir zôngv 156 ha ar tsêz chos kôngz.  Zơưv Thox x Zax, bí thư huyện uỷ Trạm Tấu hêik pâuz:

 “Txix ciês thâuv tso tơưv luôs haux lưv yax kriê tsôngv px sđ sik phêiz kênh ar tsêz chos kôngz lôngk; txos gtrâu nhiv no chuôs li tsôngv px sđ tưz pov muôx luz nênhx truôx tuk jux juk; lar hêik zos cxiv gtsa ziv chuôz zis muôx luz nênhx tsâu sor”

          Hlôngr yiêz tsưr ziv xar, muôx cêr côngv siêz hâur côngv thôngx, ziv muôx paz ziv pluôs, sđ siz chos huôv tsar cêr uô nox cov sđ muôx luz nênhx truôx tuk tsâu sor. Ntơư zos hâu nov huyện Trạm Tấu, tỉnh Yên Bái têx luôs hâux lưv uô muôx liv trâu tsôngv px sđ nhoz thax tsav jêx jos tox siêz đêz đrôngl./.

                                                        (Tsu cxêik nhênhv-Đinh Tuấn)