Điện Biên: Xar tơưv tsưr ziv cơưv hêir nênhs poz ziz luk hêik thiêz ntơưr sâu

          Đhâu sêiz shuôk hâur ntơưr pov tsir thiêz pâuz tâu hêir nênhs poz ziz lo luk hêik, ntơưr sâu ziv hnuz ziv trâus pôngz plox. Chênhr zos li ntơư, thâuv tsênhv cơưv lớp 10, tus cưr Lò Thị Kim, hêir nênhs poz ziz nhiv no tsênhv cơưv lớp 12C1, tsêr cơưv mênhx cxưx tỉnh Điện Biên, tsưr ziv siêz xar njôngr chiê cxiv uô iz kror qơư hâur máy tính tưx cơưv luk poz ziz. Hâur oz shông đhâu đros têx fôngx zưs hâur tsêr cơưv cxiv tsa tâu qơư cơưv luk poz ziz, tus cưr Lò thị Kim tưz tâu cxuô lênhx cơưk kriê hâur tsêr cơưv paz max trơưk li tsưr ziv siêz xar. Luôs hâux lưv tưx cơưv ntơưr poz ziz đhâu websete hâur máy tính muôx bê “cơưv luk poz ziz” tưz jux juk tâu cxiv uô tiêr. Tus cưr Lò Thị Kim shir phaz lul hêik pâuz: “Pêz chor cưr xar hêir nênhs poz ziz, phênhv ntâu têx fôngx zưs sđ cux cơưv shâuv thiêz pâuz hêik luk poz ziz jux juk; zos cxêik txix luk choz tsiz uô luk poz ziz mak cơưv cux zôngx ziv, sâu ntơưr poz ziz”

          Website “cơưv luk poz ziz” zos cxiv uô paz trâu chor shuv xênhz nhiêv cơưv shâuv ntơưr thiêz luk poz ziz thiêz đhâu iz shông kriz cơưv txos trâu nhiv no, tưz muôx 100 ntâu lênhx tuz nxêik hluôk shuv xênhz tuôx đros cơưv luk thiêz cơưv ntơưr poz ziz.Tus cưr Quàng Hoài linh, shuv xênhz lớp 11B2,  nhoz tsêr cơưv mênhx cxưx tỉnh Điện Biên hêik pâuz:  “Trang wb no huv đros cxuô lênhx sđ cơưv, muôx phênhv kriê luk, muôx phênhv kriê sâu ntơưr đros trâu cxuô jax pêv thav đaz nênhs. Cur nhiêv yar zos cxuô jax đaz nênhs uô luk poz ziz thav mak jông mnôngs hênhr thiêz muôz xor tôngx kriz ciês trang wb no mak zôngx ziv cơưv tâu sêi”

          Cưk kriê Lê Thành Long, kriê nhoz tsêr cơưv mênhx cxưx tỉnh điện Biên cux hêik pâuz tiêk: Luôs hâux lưv cxiv tsa qơư tưx cơưv ntơưr, cơưv luk poz ziz, zos iz kro muôx liv jông thiêz tâu chox muk tưr tâu hov A ntơưv tỉnh điện Biên shông 2019: “Nhiêx txiêx cxiv uô website no, tsuôk zos tsêr cơưv thiêz cxuô lênhx shuv xênhz tưx sik côngv paz nhiêx; tsik tâu muôx iz tsưr tsix tưs muôz nhiêx paz hlo”

          Shông cơưv 2019-2020, tsêr cơưv mênhx cxưx tỉnh Điện Biên tưz muôx 591 lênhx shuv xênhz hâur 17 hêir nênhs, hâur ntơư muôx 284 lênhx zos hêir nênhs poz ziz txênhz txos 48%  xav hur si hâur tsêr cơưv.         Cưk kriê Phạm Lệ Thanh, thơưx sêiz car tsêr cơưv mênhx cxưx tỉnh điện Biên cux hêik pâuz nzir tiêk: Đhâu qênhz shuôk thiêz pov, shuv xênhz hêir nênhs poz ziz hâur tsêr cơưv puôr lênhx thav luk poz ziz; taz sik muôx txos 95% lênhx shuv xênhz tsik pâuz nhênhv, tsik pâuz sâu ntơưr poz ziz; Chor pâuz cux zos tưx cơưv:“Thâuv cxiv uô tâu website no, tsuôk muôx iz paz shuv xênhz tưx cơưv. Taz sik, đhâu iz ntu yax kriê, tưz muôx chôngz lênhx ntâu tus shuv xênhz tuôx đros cơưv thiêz cxuô lênhx cưk kriê hâur tsêr cơưv cux xar njôngr hâur ntu zuôr txos no, cxuô tsưr tsix, cxuô lênhx nênhs siêz jong tsuv đros paz muôz pênhr nhiêx cxiv tsa website no cov ziv hnuz ziv truôx jông”

          Ntơưr poz ziz cux tsik zôngx ziv cơưv, tsik zôngx ziv sâu, phênhv ntâu hêir nênhs poz ziz sir zôngv lo luk hêik. Taz sik nhiv no, zos kriz ciês hâur máy tính website “Cơưv ntơưr poz ziz” cux zôngx ziv trâu cxuô lênhx sđ cơưv./.

                           (Tsu vưx cxêik nhênhv-Vũ LợiVOV Tây Bắc)