Cheix ntux yiêz thiêz nênhs Hmôngz tox siêz li jax đhiê lov jêv

          Tix lâuk Chua Xênhv Zax nhoz xã Sa Pả, huyện Sa Pa, tỉnh Lào Cai puz pâuz: Jax đhiê lov jêv tos pak tsi pâuz muôx thâuv tưs lok, tsuôk pâuz tiêk no zos pêz mênhx cxưx li iz jax đhiê uô lov jêv tưz tâu fâuv nênhs tov ntêx kriê trâu têx tuz nhuôs tov kaz no. Jax đhiê lov jêv co tưz paz cxuô lênhx nênhs siz jê đuô, uô khôngz qiv sor si, lov jêv đuô hâur jêx jos, tiv zix zos thâuv txos tsiêz:

          Chuôz zênhx tâu zôngv thâuv đhiê uo lov jêv zos iz tul tos pak shôngz ntêr muôx nhos 1 yiv txos 1 yiv ntâu, hâur đruôz đraz lơưr tho têx luz kror thiêz đei nhiêx trâu hâur co. Oz tos mak tho kror đei xor liêz njuôz chiê thâuv đhiê mak jông seiz hênhr.

Thâuv đhiê, nênhs đhiê tuôr tul tos pak cê đhiê cê muôz tul pak max mav khoz trâu zuk luz chêr li tês, tơư, xưz pưs...chiê chor nhiêx đror lok six jông mnôngs.

          Đhiê lov jêv tos pak, khênhr muôx 4 txos 8 gơưv hluôk tuz hluôk nxeik sik đros đhiê. Hâur têx thax ar tiêx jông lok sik hâur têx ntênhs ciêz, đhiê lov jêv tos pak chuôk li uô cxuô lênhx nênhs siz jê đuô.

          Đros thiêz têx lênhx hluôk tuz, hluôk nxeik Hmôngz  txơưx đhiê lov jêv tos pak, têx đeiv nhiêx sâuv tos pak đror lox đuô, tso pov tsôngv box Hmôngz li cêr shir phaz lov jêv. Thâuv txos têx hnuz ntênhs, hnuz vênhx huôv mênhx cxưx, tiv zix zos ntênhs Guôv tox zâuv tsôngv cưr tix fôngx zưs sơưr đơưs tuôx txos pêz Hmôngz nhoz têx jêx jos tox siêz chiê tâu nriêr pâuz cxaz thiêz tâu seiz têx hluôk tuz hluôk nxeik đhiê lov jêv tos pak lok six jông seiz./.

( Thanh Thủy- Txâur Vax cxeik nhênhv)