Tsôngv box tox siêz uô lơưr Hloz Hôx luk heik kriê

          Tix lâuk Sáu Xênhv Zax, mênhx cxưx Hmôngz, 45 shông hnuz nhôngs, nhoz jos Sài Lương 3, xã An Lương, huyện Văn Chấn iz jiês jiês muk Zênhx hangx chính sách xã hội huyện zos iz jiês gra nhiêx tỷ muk tsês ntơưv tsêr nhiêx têz qơưk, viv li lênhx tưs cux lok six shưv đros hâux lưv no. Têx shông 2000, tâu Hội nôngx mênhx têx cấp thiêz chính quyênx tiv phaz vênhv tôngv, tix lâuk Sáu Xênhv Zax đros chuôz zis chos 7 hecta ciêv fix xuz thơưx sâuv mênhv chêx jôngr tâu têz qơưk choz. Lơưr co, shông tưs chuôz zis cux krêz đar mênhv chêx chos, txos nhiv no tưz muôx 40 hecta ntâu. Shông 2019, tix lâuk Sáu gra 3 tỷ txix muôs ciêv fix muk tsês chiê ntơưv tsêr nhiêx têz qơưk, shông 2021 tror gra 4 tỷ đeiv ntâu muk tsês chiê thiêz.... “Chos ciêv fix cux tsi xar tiêk ciêv fix zuôr muôx tsiv grê li ntơưv, taz sik uô mak thiêx li pov ziv uô ziv tâu nhiêx. Ziv xar uô ntâu uô, gruôs mak zuôr yênhx côngz xưz”

          Tix lâuk Lử Xênhv Zax, tsar jos Sài Lương 3, xã An Lương, huyện Văn Chấn, tỉnh Yên Bái puz pâuz: tsôngv box hâur thax tsav lênhx tưs cux kruôk thiêz uô lơưr “Lênhx nôngx mênhx VN txơưx njê” Sáu Xênhv Zax, chiê muôx tâu luz nênhx jông đuô sâuv têz qơưk tox siêz. “Sâuv thax tsav jos thâuv ntêx tsi pâuz chos tul tsi, tas nro zos uô têz, tsi muôx chêx cuk kinh têr. Pov tix lâuk Sáu chos ciêv fix muôs tâu grê, thâuv co thiêx li cơưv shâuv chos ciêv fix, tsôngv box hâur jos nhiv no chuôz zis tưs cux chos ciêv fix”.

          Tsi taz txir nênhx xưz mak nhiv no pox niêv nhoz Yên Bái cux sir jos uô nox chiê uô bluô nux. Txix ciêv fix chuôz zis chos tâu thiêz muôv muôs tsôngv box li xiv huv ciêv fix, txos nhiv no chuôz zis niêv lâuk Trần Thị Huân nhoz jos 6, xã Đào Thịnh, huyện Trấn Yên, tỉnh Yên Bái fênhx pheiz iz luz hlik tsiv uô 100 tênhr tơưr ciêv fix cxuô zav, liv zix sâu lok tâu 1,2 tỷ đeiv iz shông. Zơưv Phạm Văn Tiến, Chủ tịch Hội nôngx mênhx xã Đào Thịnh, huyện Trấn Yên puz pâuz: “Hội viên Trần Thị Huân shông tưs cux tâu bo xeir zos hội viên txơưx uô kinh têr hâur xã, huyện thiêz tỉnh. Têx shôngk nhiv kruôr đhâu hội viên no sir jos đuô, tiv zix zos paz têx ziv chuôz zis txov nhêv huôv tsar cêr uô nox”.

          Lơưr thôngz sâu, nhiv no sâuv tỉnh Yên Bái muôx zuôr xar 900 trâur nuv zos đoanx hluôk nênhs uô tsưr, txix co pov muôx ntâu lênhx nênhs bluô nux zos têx hluôk nênhs 8X,9X. Tix lâuk Đồng Mạnh Linh, Phưv bí thư tỉnh đoàn Yên Bái puz pâuz: “Tỉnh Yên Bái cux yax six tsưr tsix têx jiês thik xar tơưv tsưr ziv huôv tsar cêr uô nox trâu hluôk nênhs đhâu co muôx tâu têx tsưr ziv chiê chox lok uô hâur tsênhv tsênhz. Lok six ntâu dự án tâu uô thiêz tax tâu chêx cuk jông, đhâu co paz têx hluôk nênhs truôx siêz đuô huôv tsar uô zuk trâur nuv sâuv zuk têz qơưk”.

          65 shông đhâu, Hloz Hôx li luk heik kriê tsênhv tâu tsôngv box Yên Bái ndo njôngr txos thiêz uô lơưr, chiê tsôngv box têx mênhx cxưx nhoz no truôx siêz sik côngv đros Yên Bái huôv tsar cxiv uô cxuô zav cov yênhx iz tỉnh nhoz têx tỉnh tox siêz huôv tsar truôx jông li Hloz Hôx têx luk hêik kriê./.

(VOVTB-Txâur Vax cxeik nhênhv)