Har jôngr qơư đại tướng Võ Nguyên Giáp so uô hâux lưv

      (Nhạc nền...)

       Zuôr xar 30 shông đhâu, zơưv Đinh Công Són, Chi hội tsar Chi hội bộ đội lâuk jos Nhọt 2, xã Gia Phù huyện Phù Yên (Sơn La)- lênhx nênhs jông siêz muôx jiês tâu njiz Đại tướng thâuv cxaz chuôz por vêv Đại tướng ntơưv qơư tsav txênhz Lào têx shông 1970 thâuv tưs cux txưv haox tâu gôngr đas jos por vêv jôngr Đại tướng, tos tsôngv box nhoz cxuô qơư tuôx ndis seiz di tích lix xưv tsav txênhz tir ntâuk tros châuz Pháp jos Nhọt: “Iz shông shông thâuv ndax chiv nhênhv xiêz 7/5, pox nhuôk nhoz cxuô qơư ho lok ndis seiz qơư di tích. Tiv zix zos txix thâuv cxiv tsa tâu qơư txi côngv đại tướng, pox nhuôk lok six jông siêz, tuôx hlơưr shaz ndo txos đại tướng. pêz xar njôngr uô li chas chiê por vêv tâu har jôngr thiez qơư txi côngv no”

          Nhoz thax tsav qơư muôx ziz njiêz sâuv cêr 13 (nhiv no zos niêv cêr 37), har jôngr lâuk jos Nhọt tsênhz tsênhz zos “jôngr paz their jeik bộ đội, paz tuô tros châuz”. Hâur jôngr muôx iz thax tsav tiêx jông, muôx tul đêx Bùa ntưs đhâu, jôngr ntông lâuk njuôz jông their tas viv li tros châuz li yêz za lax pov tâu đoàn quân thiêz đại tướng. Têx luz bê tâu hu zos “Jôngr đại tướng Võ Nguyên Giáp”, “jôngr zơưv Giáp”, “Jôngr tướng Giáp”...cux muôx txix co. Nhoz buôk niêv cêr, jê jêx jos, taz sik jôngr muôx ntâu tsoz ntông tsiv grê lox yênhx yiv tsênhv tâu tuôr tsês jông; viv tsôngv box tsi muôx lênhx tưs ntor luôx, muk har jôngr zok tsiêx kuk, mak thâuv tưs cux por vêv jông, viv nhoz no tsuôk li thâuv tưs cux pov njôngr đại tướng nhoz no.

          Tix lâuk Lò Văn Linh, tuêv tsar tuêv seiz car por vêv jôngr jos Nhọt 2, xã Gia Phù, huyện Phù yên pheiz kênh: “Pêz lok six jông siêz thâuv jôngr gra bê Đại tướng Võ Nguyên Giáp, tsongv box zuôr sik côngv tês por vêv jôngr. Tuêv khênhr muôz 10% nhiêx txiêx thêv jix vuv tênhx qơư jôngr chiê gôngr trâu cuiv cxiv tsa tsêr cơưv, their nja, paz têx ziv chuôz zis txov nhêv hâur jos...”

          Hâur têx hnuz hli 5 lix xưv, tas nro têz qơưk ndar txos chiv nhênhv 69 shông ntâuk zênhx Điện Biên Phuv, Jôngr tướng Giáp zos iz hâur têx qơư jông chiê têx bộ đội lâuk tror tuôx seiz đuô qơư tsav txênhz đrav ntêx, cux zos qơư zaoz zux cêr chas chês cơưx mênhv trâu cxênhx hluôk nênhs. Lò Thùy Trang, hluôk nênhs nhoz xã Gia Phù, huyện Phù yên puz pâuz: “Thâuv tuôx no cur pov chuôk li tâu tror lok qơư tsav txênhz hâur ntu tir ntâuk tros châuz Pháp, lok six txưv haox, lok six jông siêz thâuv tuôx ndis seiz jôngr đại tướng”.

          Ndo njôngr têx lix xưv reik đros bê Đại tướng, shông 2008, UB tỉnh Sơn La tưz côngz jênhv jôngr Đại tướng Võ Nguyên Giáp zos qơư di tích lix xưv cấp tỉnh. Kaz shông 2021, huyện Phù Yên (Sơn La) uô tiêr côngz tsinhx por vêv jôngr, kho đuô thiêz phuôx huiz tsiv grê di tích lix xưv tir ntâuk tros châuz Pháp thax tsav jôngr jos Nhọt muôx: Tsêr txi côngv đại tướng Võ Nguyên Giáp thiêz iz cxiê côngz tsinhx txơưr....Zơưv Nguyễn Viết Hưng, Bí thư huyện ủy Phù yên, Sơn La puz pâuz: “No zos côngz tsinhx muôx ziz njiêz, zos đảng bộ, chính quyênx thiêz tsôngv box têx mênhx cxưx Phù Yên li txưv haox. Ntu zuôr txos, Phù Yên zuôr sir jos yax mông, heik kriê, seiz car thiêz phuôx huiz tsiv grê côngz tsinhx, zos qơư chiê tsôngv box thiêz tsôngv kruô tuôx txiv côngv đại tướng Võ Nguyên Giáp thiêz tsênhz tsênhz zos qơư coaz tsôngv hâur têx jiês muk ndis seiz qơư tsav txênhz Điện Biên thâuv ntêx...”./.

(Lê Hạnh-Txâur Vax cxeik nhênhv)

Chor pox niêv têiv plor sir jos paz cxiv tsa têx jêx jok

       Zơưv Đỗ Đức Duy, Trưởng Đoàn têiv plor Côx hôiv tỉnh Yên Bái hêik, chor pox niêv têiv plor Côx hôiv tỉnh Yên Bái tsik so khưx phưx têx phiv liv, sir jos cơưv shâuv, sir jos uô hâux lưv; đhâu co, puôr lênhx muôx têx kror huôv tsar, yênhx nênhs đuô. “Tưz tsik zos uô tiêr jông têx jênhv vưv zos iz lênhx têiv plor mak chôngz lênhx nênhs tsênhv zos yênhx chor nênhs txơưx uô hâux lưv lok sik canr bôv lênhx tov, sêiz car txơưx, sir jos gôngr côngv trâu gra siêz tsơưr lươngv, huôx tôngv Côx hôiv cux xưk li uô tiêr jông têx jênhv vưv chinhr triv ntơưv cơ quan, taz viv qơư chor têiv plor uô côngz xưv”.

       Pos Hoàng Thị Hàng đhâu thâuv uô hâux lưv têiv plor Côx hôiv oz khóa tưz tror lok uô Chủ tịch ủy ban xar Lâm Thượng, huyện Lục Yên, paz tsik tsơưs đas jos chiê xar zos yênhx qơư jông uô nênhx nhoz, pêx xênhv shir phaz. Nhiv no tưz muôx 83 shông, yênhx hnuz, pox cux sêiz kaz njôngr Côx hôiv têx huôx tôngv, tso siêz lok zuk têx gôngr côngv trâu Côx hôiv li huôv tsar hâur 77 shông đhâu. “Muôx pêx xênhv thôngx ziv paz thiêz zuk li sir jos cux tưz paz uô tiêr jông têx jênhv vưv. Hâur ntu uô côngz xưv, uô tiêr tâu jông têx jênhv vưv zos kror shir phaz đuô hur si”.

        Têiv plor Côx hôiv khóa 11, 12 – Triệu Thị Bình nhiv no zos Trưởng Ban Mênhx cxưx, Hôiv đôngx tỉnh Yên Bái, tsik so nriêr pâuz cxuô thax tsav qơư, buôs ti đros pêx xênhv chiê uô jông côngz xưv hêik pâuz, sêiz kaz trâu hâux lưv mênhx cxưx sâuv thax tsav tỉnh. Pos Bình phêiz kênh, iz hâur zuk têx kror hmôngr jông tiv zix zos tâu cxaz chuôz uô têiv plor zos pêx xênhv bâux xêir, gôngr côngv iz phênhv trâu Côx hôiv têx huôx tôngv; uô hâux lưv no pox cơưv shâuv tâu ntâu txux chi, tsưr ziv chiê paz trâu zuk yênhx nênhs đuô: “Hôiv trường Côx hôiv zos iz kror qơư cơưv shâuv lok six lox, txix co, đhâu thâuv suôv câuv six cxiv zuk cux tưz cơưv shâuv tâu ntâu txux chi, tsưr ziv, ntu uô hâux lưv nhoz Hôiv đôngx mak cux lok six zôngx ziv”.

       Têiv plor Côx hôiv khóa 15 Khang Thị Mào cux hêik tiêk: Nghị trường Côx hôiv paz trâu zuk yênhx nênhs đuô hâur uô côngz xưv thiêz luz nênhx. Shir phaz đuô zos niêv tix li sir jos cơưv ntâuz ntơưr, txux chi tưz paz cxơưz cxiz trâu cxênhx hluôk nhiv no sir jos cơưv ntơưr, sir jos cov uô tâu trơưk li zuk siêz xar. Tâm Xênhv Zax-lênhx shux xênhz mênhx cxưx Hmôngz tsênhv cơưv ntơưr ntơưv tsêr cơưv mênhx cxưx nội trú huyện Mù Cang Chải-qơư têiv plor Khang Thị Mào cơưv ntơưr ntu thâuv ntêx hêik: “Cur lok six nhiêv txos chor nxêik Hmông li fâux co. Cur cux zos mênhx cxưx Hmôngz thiêz cux zuôr tsuv sir jos cov tax tâu li ntơưr thiêz. Cur xar cov zos yênhx lênhx nênhs muôx liv trâu xar hôiv thiêz têz qơưk”.

       Ntâu shông tror lok no, Yên Bái tsik so chuôz ndê hênhr. Shông 2022 tax tâu muôx 8,5% ntâu, zos phênhv siêz tiv zix xav txix shông 2015. Tas nro têx hax huv sâuv thax tsav tax tâu muôx 7,8% ntâu iz shông, sơưr tiv 3 hâur tas nro 14 tỉnh thax tsav Trung du thiêz tox siêz Bắc Bộ. Txos nhiv no, chor chuôz zis pluôs tas nro tỉnh yuôr xar muôx 13%. Pêx xênhv Yên Bái li luz nênhx shir phaz tưz tax tâu muôx 62% ntâu, nhoz phênhv 2-zos phênhv lok six shir phaz. Têx tax tâu no muôx chor têiv plor Côx hôiv tỉnh Yên Bái đhâu cxuô ntu li têx gôngr côngv tsik tsơưs. Chor canr bôv pêx xênhv bâux xêir no tưz uô jông zuk txơưx jênhv thiêz jênhv vưv, muôz cử tri nhoz tox siêz, thax tsav tsôngv box mênhx cxưx tsơưs nênhs têx ziv chênhv xa txos trâu Côx hôiv, Chinhr phuv; đhâu co, paz trâu Trung ương tso tơưv tâu têx tsênhv chêi huv đros, paz trâu huôv tsar kinh têr xar hôiv nhoz thax tsav qơư tox siêz no./.

Đinh Tuấn-Lik Thox cxêik nhênhv