Viv li chak ntâu luz ciêz nhoz têx xar hâur thax tsav tỉnh Lào Cai huôx tôngv tsik truôx?

Nhoz ciês ntơưv tsênhv qơư xar, trơưk ntus cêr 70, shông 2022, ciêz Bắc Ngầm tâu huyện Bảo Thắng yưv pênhr 1 tiv đêiv chiê cxiv kho đuô nzir đar 1.000 thiêr ndis. Taz sik, ntơưv no tsuôk muôx oz pêz lênhx nênhs muôs mê njik hax huv, phênhv ntâu chor qar qơư muôs hax huv cux tsênhv tsik tâu muôx lênhx nênhs tuôx muôs hax huv, têx thâuv tsênhv tâu sir zôngv chiê uô tiêx đhiê uô si. Pos Trần Thị Mơ, lênhx nênhs muôs hax huv ntơưv ciêz Xuân Quang, huyện Bảo Thắng hêik:“Nhiv no muôx 5 lênhx nênhs đăngk cir ntơưv no. Yuôr ntâu qar tsêr tsik muôx lênhx nênhs tưs gra huv tuôx muôs hlo”.

Txơưv chor nhiêx thêv cux lok six tsơưs xưz, taz sik chôngz lênhx nênhs cux tsik xar muk hâur ciêz no chiê muôs hax huv. Trơưk li tsôngv px ntơưv qơư, zuôr muôs hax huv hâur ciêz tsik tâu huv đros, tsuôk cor cav zuôr ciês têx hax huv muôs trơưk oz saz ntus cêr. Pos Lâm Thị Sợi, nênhs muôs hax huv ntơưv ciêz Xuân Quang hêik:“Têx hnuz tsuôk muôs tâu poz jâuz xưz, muôs tsik tâu, tsik muôx nênhs zuôr, pêz tror gra muk trâu kêiz buô nox xưz”.

Chor nênhs muôs hax huv tsik muk muôs hâur ciêz, chinhr quyền ntơưv qơư sâu tsik tâu nhiêx chiê huôx tôngv. Lơưr zơưv Nguyễn Viết Khoản, Chủ tịch Ủy ban xar Xuân Quang, muôx lok six ntâu chor nênhs muôs hax huv trơưk oz saz ntus cêr, viv li hâur ciêz tsik muôx nênhs muôs hax huv cux zos kror zôngx ziv njiê pov. Hâu nov ntơưv qơư cux sir jos yax kriê, txưr muôs huv trơưk oz saz ntus cêr, taz sik tsôngv px tsênhv uô tsik tâu trơưk:“Ciêz lok six đar, taz sik muôx tsơưs pêx xênhv gra hax huv tuôx muôs. Pêz tưz yax kriê, hêik sơưr đơưk tsik muôs hax huv trơưk ntus cêr, tsêx trung trâu iz kror qơư chiê zôngx ziv sêiz car, tsik uô tuôr xuôv têx qơư muôs hax huv hâur ciêz, chiê paz muôx nzir phênhv sâu trâu xar”.

Iz chas ntơưv ciêz Bắc Ngầm, huyện Bảo Thắng, cux tsênhv muôx ntâu tsênhv qơư xã nhoz Lào Cai, thâuv tsik tâu cxiv uô qơư ciêz trâu tsôngv px muôs hax huv, cux pov muôx chôngz lênhx nênhs tuôx muôs, zuôr ntâu hax huv, taz sik thâuv yưv pênhr cxiv uô tâu ciêz lox đar, ho tsik muôx chôngz lênhx nênhs tuôx muôs hax huv cux li zuôr têx hax huv./.

TTTB-Lik Thox cxêik nhênhv

Têx lênhx txir ndâux txir luk- tsôngv box tox siêz li “qơư khov” truôx khor

Zuôr xar 80 shông, taz sik zơưv Yuôk Lik Xênhv Vưx 2 niêv txir – zos lênhx nênhs tâu tsôngv box sđ njênhs njôngr nhoz jos Pha Khuông, xã Co Mạ, huyện Thuận Châu (Sơn La) hnuz tưs cux sik đros muk txos yênhx ziv chuôz zis hâur xênhv nênhs co chiê pâuz tâu qênhx shênhx, siêz xar thiêz yax mông, zaoz zux, vênhv tôngv tuz nhuôk hâur zuk xênhv nênhs uô trơưk Đảng, têz qơưs têx chêi tso tơưv, tsi uô cxâuv têx tiv nanv xã hội…Zơưv Yuôk Lik Xênhv Vưx pheiz kênh: Zos tsar xênhv nênhs Vix nhoz jos Nong Vai, xã Co Mạ, huyện Thuận Châu, zơưv Khuô Nu Xênhv Vix thâuv tưs cux uô ntêx nyuôk, sir jos vênhv tôngv nênhs cxênhz jê uô jông Đảng, têz qơưk têx chei, tsi njênhs, tsi mnôngs lơưr nênhs fêv hâuz nziês; tsuv sir jos uô lox tôngv, cxuôv yeiz thiv pluôs…Zơưv Nu puz pâuz: “Thâuv ntêx zos zuk vênhv tôngv nênhs cxênhz jê uô trơưk Đảng, têz qơưk li têx chei thiêx li txos têx xênhv nênhs txơưr. Zuk tsuv yax six sik côngv đros cấp ủy, chính quyênx thiêz têx ban nganhx hâur jos heik zơưv Bí thư chi bộ lok qênhx shênhx txiv ngaz sâuv thax tsav. Qênhx shênhx zax zênhz, hâur jos cux muôx iz cxiê lênhx nênhs muôx zênhs zax zênhz, cur tưz đros chính quyênx jos yax kriê vênhv tôngv tso zax zênhz tsês, taz por txiv ngaz truôx tuk jêx jos”.

Tas nro tỉnh Sơn La nhiv no muôx zuôr xar 3 cxênhz lênhx txir ndâux txir luk hâur côngv thôngx. Têx shôngk đhâu, têx lênhx txir ndâux txir luk nhoz tiv phaz tưz phuôx huiz jông pưs txux zos luôs hâux lưv zov chênhr paz cấp ủy, chính quyênx txuôk đros tsôngv box; sir jos vênhv tôngv tsôngv box têx mênhx cxưx uô trơưk Đảng, têz qơưk li chủ trương cêr chei, sir jos cxiv tsa cêr niêv côngv siêz tas nro mênhx cxưx nhoz yênhx thax tsav qơư…Zơưv Txok Xênhv Lik, Bí thư Đảng ủy xã Chiềng Công, huyện Mường La (Sơn La) thâuv ntâuk grê têx lênhx txir ndâux txir luk li pưs txux nhoz tiv phaz tưz khav tênhv: “Lênhx txir ndâux txir luk lok six coaz tsôngv đros tsôngv box. Têx txuz hâux lưv muôx yưv nhoz tiv phaz mak lênhx coaz txos têz qơưk li iz cxiê cui tênhv mak phênhv ntâu lơưr paz car chêx, lơưr zênhx zos têx lênhx nênhs nhoz uô nênhx jông, chiê pox nhuôk sik đros uô lơưr. 2 zos lơưr tâu tsôngv box lok six njênhs njôngr thiêz mnôngs trơưk”

Đại úy Lò Văn Minh-Tuêv txiv ngaz, công an huyện Thuận Châu (Sơn La) cux puz pâuz, hâur côngz xưv tuôr truôx txiv ngaz ntơưv thax tsav, têx lênhx txir ndâux txir lok tâu seiz zos têx lênhx nênhs paz lưx lươngv muôx txơưx jênhv, tiv zix zos lưx lươngv công an chuv tôngv pâuz tâu thiêz car chêx têx tsi tâu huv đros nhoz tiv phaz, tsi chiê muôx yưv têx qơư cuz nxor, nênhs fêv hâuz nziês, uô zênhr shar txos cêr niêv côngv siêz tas nro mênhx cxưx: “Hâur ntu đhâu lênhx txir ndâux txir luk tưz phuôx huiz jông pưs txux hâur côngv thôngx. Sir jos chuv tôngv sik côngv đros cấp ủy, chính quyênx tiv phaz thiêz lưx lươngv vũ trang pâuz tâu qênhx shênhx sâuv thax tsav, sir jos vênhv tôngv tsôngv box uô trơưk Đảng, têz qơưk li chủ trương cêr chei, sir jos cxaz chuôz côngz xưv taz por txiv ngaz nhoz tiv phaz”./.

Thu Thùy-Txâur Vax cxeik nhênhv