Têx hlôngr yiêz nhoz Mường Phăng

          Nền nhạc…

          Mường Phăng- qơư tiv 3 thiêz zos qơư lơưr kaz ciês tso pêz quân đội li chiz coaz hâur jiês tsav txênhz Điện Biên Phuv. Ntơưv no, txix siêz xar tsưr ziv, Đại tướng Võ Nguyên Giáp đros Bộ tổng tham mưu tưz tso tơưv ntâuz quyết sách coaz tsôngv chiê uô tâu jiês zênhx liv tâu tas nro ntiêx têz pâuz txos.

          70 shông đhâu, txix cêr kror ar, tsêr lơưx, Đại tướng đros têx lênhx nênhs hâur Tổng tham mưu li qơư uô côngz xưv….Sở chỉ huyz jiês tsav txênhz li qơư seiz car shông co txos nhiv no tsênhv tâu tuôr tsês jông.

          Nhoz iz ndis qơư cơưx mênhv thâuv co zos Mường Phăng đros thiêz têx hlôngr yiêz jông, têx đras liêx lox đar, têx têz tsoz chos njuôz jông; cêr muk lok tâu krêz đar muk txos têx jêx jos, têx luz tsêr yiêz tâu cxiv uô jông hâur têx luz tsêr lơưx…

          Pov têz qơưk li têx hlôngr yiêz jông hâur yênhx hnuz, zơưv Lò Văn Nụi, shông no tưz muôx nhos 80 shông hnuz nhôngs shir phaz heik: “Thâuv ntêx txov nhêv hênhr, tsôngv box Mường Phăng lok six khưr. Shông 1954 pêz tâu tiêx tul, shir phaz hênhr, cxuô zav cux jông đuô. Txos nhiv no tsôngv box Mường Phăng tsi yuôr chuôz zis trâus yeiz pluôs thiêz, kinh têr jông đuô hâur yênhx shông”

          Mường Phăng li têx hlôngr yiêz qir txix têx đras liêx chos 2 chiv, pox nhuôk tsi trâus yeiz li ntu đrav ntêx thiêz. Co zos khov muôx Đảng, têz qơưk, tiv zix zos Đại tướng Võ Nguyên Giáp li tsov cưv tsês trâu têz qơưk no.

          Đhâu jiês tror muk seiz yuô Mường Phăng shông 2004, pov tsôngv box nhoz no nhoz uô nênhx muôx tsi txâuk đêx chiê tsêz chos, Đại tướng Võ Nguyên Giáp tưz sâu ntơưr xa trâu Chính phuv thiêz têx ban, bộ, nganhx thix ziv tuôv zênhv tsôngv box xã Mường Phăng li siêz xar njôngr lok cxiv tsa pas đêx liv Loọng Luông. Shông 2013, pas Loọng Luông uô tiêr thiêz chox lok sir zôngv, cungz đêx zưs trâu 150 hecta liêx chos blêx sâuv thax tsav, krêz tơưv iz ntu huôv tsar kôngz nuv truôx vênhs, ngaz tul nhoz xã Mường Phăng. Pos Lò Thị Phanh, nhoz jos Che Căn, xã Mường Phăng heik: “Thâuv ntêx txov nhêv hênhr, liêx têz uô iz chiv xưz, hli 6 mak phênhv ntâu zos nox kok ntông…Cur niêv cur txir khưr muk uô hâux lưv, cur tsi tâu muk cơưv ntơưr…Nhiv no khov muôx Đangv, têz qơưk hlôngr yiêz, huôv tsar kinh têr li no cur lok six jông siêz; liêx têz mak chox 2 chiv, hli 5, hli 6 tsi cxơưx tsi muôx cxur, muôx poz cưk nox thiêz, tsôngv box luz nênhx tâu tsâu sor”.

          Siêz txưv haox co tưz paz cxơưz cxiz cấp ủy, chính quyênx thiêz tsôngv box Mường Phăng sir jos hla đhâu têx phêv liv. Xã li kinh têr hlôngr yiêz jông, yênhx trus huôv tsar cxaz ntâu trâur nuv tu zus njês, tsiêx cxu, keiz ok. Tas nro xã nhiv no muôx nhos 520 hecta blêx 2 chiv; 100 hecta ntâu tu zus shuôz njês; 50 hecta ntông nox txir…

          Lơưr zơưv Lò Văn Hợp, Chủ tịch UB xã Mường Phăng, txos nhiv no, tas nro xã tsuôk yuôr 4 ziv chuôz zis pluôs sâuv 1 cxênhz 200 ziv; phênhv sâu fênhx pheiz lênhx nênhs tax 45 tsov đeiv iz shông. “ Thâuv ntêx tsôngv box Mường Phăng tưz gôngr paz kôngz krâur, zav nox trâu bộ đội phưx vưv jiês tsav txênhz Điện Biên Phuv. Nhiv no tsôngv box tror tuôr tsês jông siêz nhiêv têz nhiêv qơư ntơưv thax tsav cơưx mênhv Mường Phăng no, gôngr phênhv cxiv tsa TP huôv tsar heik cxuô thiêz tiv phaz heik taz”.

          Têx di tích nhoz hâur têx di tích cấp têz qơưk jiês tsav txênhz Điện Biên Phuv zos têx jông chiê paz Mường Phăng yênhx qơư tâu chôngz tsôngv kruô nriêr tuôx ndis seiz; tiv zix thâuv zuôr txos jiês chiv nhênhv 70 shông ntâuk zênhx Điện Biên Phuv. Zơưv Nguyễn Thành Tung đros đoanx bộ đội lâuk tuôx txix TP Phổ Yên, tỉnh Thái Nguyên pheiz kênh:  “Hnuz no đoanx tror tuôx seiz đuô qơư tsav txênhz thâuv ntêx, pêz lok six shir phaz tror thav đuô lok tsôngv box VN zênhz shông li cêr chax chês jông, chiê yax mông, zaoz zux trâu cán bộ, hội viên lok cêr chax chês cơưx mênhv thiêz têz qơưk cơưx mênhv”

          Nền nhạc….

          Mường Phăng tsi taz tâu pâuz txos viv yênhx têx jông gôngr phênhv uô zênhx liv jiês tsav txênhz Điện Biên Phuv mak tsênhv txix tas nro cxix luôk chính trị thiêz tsôngv box li siêz sir jos chox Mường Phăng yênhx qơư huôv tsar kinh têr ju lix tsênhv; ndar txos cxiv tsa Mường Phăng yênhx niêv đrôngs vệ tinh nhoz TP Điện Biên Phuv trâu hâur ntu zuôr txos./.

Vũ Lợi-Lê Hạnh-Txâur Vax cxeik nhênhv

Seiz car thiêz tsưx phưv jôngr

           Txix ntux têx txơưr txar phiv liv, cuz sor đros trâu chuô lox, kruôr gis ntêr hnuz uô ruôr hiêv lox txos têx jôngr ntông, zôngx ziv muôx hluôr tơưk txeik cuz jôngr hâur thax tsav tỉnh. Txix hâur hlik hli 2 shông 2024 hâur tỉnh tưz muôx iz cxiê txuz hluôr tơưk txeik cuz jôngr. Chiê bax fuô kriê jông thiêz zênhx max têx hâux lưv, tsưr ziv lok tsưx phưv jôngr, phax cuz tuô cuz jôngr nhoz têx suôv qơư, thax tsav zôngx ziv muôx hluôr tơưk txeik cuz hâur cheix ntux kruôr shông 2024, Chủ tịch Ủy ban tỉnh heik:

            1.Chủ tịch Ủy ban cxuô huyện, TP, Giám đốc cxuô sở, têx lênhx thơưx chor ban, ngênhx, đoanx thêv cấp tỉnh, têx lênhx tsưr jôngr: Tror fuô kriê, heik sơưr đơưk uô jông lơưr Ban Bí thư li suô luk sôr 61-KL/TW hnuz 17/8/2023 lok tror uô jông trơưk Ban Bí thư Chỉ thị sôr 13-CT/TW, hnuz 12/01/2017 lok sir jos lês uô jông hâux lưv chox kriê seiz car, tsưx phưv thiêz huôv tsar jôngr; Thủ tướng Chính phủ li Chỉ thị sôr 03/CT-TTg hnuz xiêz 06/02/2024 lok tsưr tsix “Tsiêz chos ntông siv nênhx ndo njôngr txos zơưv Hloz Hôx têx luk kriê” thiêz uô jông hâux lưv seiz car, tsưx phưv, huôv tsar jôngr thiêz Thủ tướng Chính phủ côngz tênhv sôr 441/CĐ-TTg hnuz 22/05/2023 lok chuôz tsar têx faz tsưr ziv phax cuz tuô cuz jôngr; Bộ Kôngz nuv thiêz huôv tsar tox siêz li ntâuz ntơưr 518/BNN-KL hnuz 17/01/2024 lok seiz car, tsưx phưv, phax cuz tuô cuz jôngr uô ntêx, hâur thiêz đhâu tsiêz têz qơưk shông 2024; Bộ Kôngz nuv thiêz huôv tsar tox siêz ntâuz ntơưr 1643/BNN-KL hnuz xiêz 08/03/2024 lok seiz car, tsưx phưv, phax cuz tuô cuz jôngr; Ủy ban tỉnh Sơn La tsưr ziv sôr 294/KH-UBND hnuz 11/12/2023 lok tsưx phưv thiêz phax cuz tuô cuz jôngr hâur thax tsav tỉnh Sơn La shông 2024 thiêz chei têz qơưk têx cui tinhv txơưr đuô cik txos.

                2.Ủy ban cxuô huyện, Thành phố

           -Gra siêz txơưx jênhv, tsưr ziv, uô jông têx hâux lưv zok muôz lok seiz car jôngr ntông thiêz ar har jôngr hâur thax tsav; chox kriê Ủy ban cấp xã, têx lênhx tsưr jôngr qênhz yuôx, qênhz shuôs jông têx jôngr ntông, har jôngr zôngx ziv trâul ntor luôx uô ruôr hiêv, nav uô liêx têz, zôngx ziv trâul cuz hnhiêz chiê chox kriê, uô jông hâux lưv seiz car, tsưx phưv jôngr, phax cuz tuô cuz jôngr tsi chiê têx har jôngr trâul ruôr hiêv, hluôr tơưk txeik cuz.

             -Sir jos uô luôs hâux lưv seiz car, tsưx phưv jông jôngr ntông, lar heik zos têx har jôngr lâul, shôngz ntông nưk tuôx nưk; qênhz shuôs truôx têx har jôngr  muôz hlôngr uô lưv zav hâux lưv; qênhz yuôx têx qơư zuôr muôs, tsiv uô ntông; por hưv têx tsiêx kuk....., zênhx max qênhz pov, tir thêir, xưv bluô ntov jông têx lênhx nênhs uô cxâuv chei tsưx phưv jôngr; qênhz yuôx, tik cêr cxâuv txos qơư chor nênhs ntor luôx uô ruôr hiêv jôngr, nav ar har jôngr uô liêx têz tsi trơưk chei, lar heik têx txuz uô cxâuv tưz tâu lưv lươngv muôx vax huôv qênhz pov thiêz têx cơ quan yax xa mông heik txos.  Phax tar, yơưz phơưz têx lênhx nênhs zuôr muôs, fax thâux tsi trơưk chei têx ntông lox, tsiêx kuk, cxuô zav shôngz ntông thiêz muôz tik cêr cxâuv zos đreiv li chei têz qơưk cui tinhv; qênhz shuôs têx txuz đơưk tu tsi tâu tâu cik txos jôngr ntông thiêz ar har jôngr hâur thax tsav chiê sir jos đơưk uô jông têx hâux lưv co.

              -Sir jos qênhz yuôx, heik kriê, seiz kaz Ủy ban cấp xã, phường, tsưr jôngr uô lơưr chei têz qơưk lol seiz car, tsưx phưv jôngr thiêz phax cuz tuô cuz jôngr, seiz co zos ntơưv qơư, taz viv hâux lưv zov chênhr. Chox kriê cxuô phongx, ban, đoanx thêv hâur huyện, Ủy ban cấp xã thiêz têx taz viv cik txos sir jos uô jông luôs hâux lưv zok muôz, bax tsưr ziv tsưx phưv têx jôngr ntông, phax cuz tuô cuz jôngr; choz hâux lưv tsênhv tsênhz trâu chor tsưr jôngr lok sâuv seiz car, tsưx phưv truôx jôngr ntông tsi chiê trâul ruôr ntor./.

Tuyết Lan-Riê Lâux cxeik, nhênhv